Laga – Depoizde selebra jubileu vida relijioza iha nivel inspetoriál ba Irmán jubilár na’in hitu iha loron 7 Setembru 2022, Irmán ida-idak selebra fali ninia agradesiemntu ba jubileu vida rleijioza iha ninia komunidade rasik hamutuk ho foin-labarik, foin-sa’e sira no família sira.
Iha loron 10 Setembru Ir Natalia da Silva ninia festa agradesimentu ba tinan 25 vida relijioza iha Fuiloro. Tema ba festa foti husi Evanjellu S. Lukas 28,20 ne’ebé dehan :”Ha’u sei hamutuk ho imi to’o mundu nia rohan”. Loron hanesan, iha Venilale mós, Ir Celina Seran agradese Maromak ba ninia vokasaun relijioza ba tinan 25 hamutuk ho orfan sira no família.
Loron agradesiemntu ba vida relijioza Ir Evangelina Xavier nian hamutuk ho Família raan no Família Saleziana, foin-sa’e sira mak 24 Setembru.
Iha festa Na’i-Feto Rozáriu, 7 Outubru, iha Kailako, Ir Virgília Marçal selebra ninia agradesimentu hamutuk ho família no sarani Kailaku sira, basá loron ne’e mós loron ne’e loron padroeira Kailako nian.
Ir Virgília Gaio selebra ninia tinan 25 vida konsagrada hamutuk ho família no foin-sa’e sira, iha loron 8 Outubru.
Ikus atu selebra iha nivel lokál iha Laga mak Ir Cecilia Del Mundu, ba tinan 50 vida relijioza, Ir Domingas da Costa no Ir Simoa Correia ba tinan 25 vida relijioza, iha loron 15 Outubru, loron padroeira Santa FMA sira-nian, Santa Teresa d’Ávila. Partisipa iha selebrasaun ne’e Família raan, Família Saleziana no foin-sa’e sira nia reprezentante no orfan sira.
Aleinde ne’e, Ir Virgília Marçal mós selebra ninia agradesimentu ba tinan 25 vida relijioza hamutuk ho sarani Cailaco no mós família husi Macalaco no Gariuai, ohin, festa Santa Teresa d’Ávila nian.
Ho selebrasaun ohin, 15 Outubru nian, remata ona selebrasaun jubileu vida relijioza nian ba tinan ne’e.
Irmán sira hotu ne’ebé selebra sira-nia jubileu agradese tebes ba família ne’ebé akompaña no amlulik salezianu sira hanesan Pe. João de Deus (matebian), Pe. Locatelli, Pe. Rolando, Pe. Agostinho. Defaktu amlulik sira-ne’e partisipa iha eventu ne’e iha nivel provinsiál no mós iha lokál.
Konserteza Irmán jubilár agradese ba Maromak ba don vokasaun saleziana, ba Superiora sira no formadora sira husi formasaun inisiál to’o ohin loron. Boa kontinuasaun dalan nian!
(JG)
