Dili – Iha 8 Dezembru ami komunidade Divina Providiensia selebra festa tinan nian hamutuk ho menina sira. sira neebe selebra tinan mak menina sira neebe halo aniversariu husi fulan Agostu to’o fulan-Dezembru. Komunidade deside atu selebra iha loron 8 Dezembru tanba ho motivu loron feriadu nunee ema hotu bele partisipa. Nomós hakarak atu selebra festa hamutuk iha loron Nai Feto Imakulada nian.
Maske la selebra misa iha komunidade maibé madre superiora husu ba menina sira atu hanoin nia maluk sira neebé sei selebra tinan durante misa. Depois de misa molok han meiudia iha oras tuku 12:00 irman no menina sira halibur hamutuk iha Nai Feto nia oin hodi reza Ave Maria ida, atu hanoin fila fali momentu ne’ebé Don Bosco reza Ave Maria ida ho Bartolomeu Garelli hodi hahu nia misaun ho foinsae sira.
Iha lokraik komunidade tomak halibur hamutuk atu reza tersu hodi tau intensaun espesial ba sira neebé halo tinan. Remata tersu irman no menina sira festeza anversairu hamutuk iha refetoriu menina sira nian. Ema hotu haksolok hamutuk iha momentu fraternizasaun nian hodi han kalan hamutuk no halo konviviu espontania hafoin fahe prezente ba sira. Ikus mai remata ho kantu ida hodi komprementa madre superiora ne’ebé sai hanesan inan no bin iha komunidade ida ne’e. Liu husi ativitade simples ida ne’e halo ema hotu kontente hodi fahe ksolok ba malu nuudar bin alin.
(Domingas de Deus)
