Dili – Agradese nafatin ba Na’i ne’ebé nunka para atu hadomi no akompaña nia oan sira ne’ebé hadomi no tau laran metun iha Nia. Hanesan tinan-tinan Ispetoria TIN selebra festa agradesementu hodi agradese ba Maromak liu-husi Me. Provinsial nia presenza iha Ispetoria. Molok selebra festa ne’e, komunidade ida-idak halo preparasaun hamutuk liu-hosi atividade oin-oin; Reza ba malu lor-loron, halo Lectio hamutuk no jogos misionaria (koñese irman misionaria sira nia moris). Nune’e iha loron 07 Setembro komunidade Divina Providensia hahu halo Lectio ho menina sira ne’ebé sei partesipa iha festa agradesementu ispetorial nian. Menina sira ne’ebé hili atu partesipa festa ne’e mak sira ne’ebé kolabora iha oratorio (animadores) no balun husi estudante sira (liu-liu sira ne’ebé la’os husi ambiente saleziana).

Iha loron tuir mai; loron 08 Setembro, hodi selebra Na’in feto nia loron moris (Natividade), nu’udar loron ne’ebé dedika ba komunidade Divina Providenza. Iha loron ne’e komunidade selebra hodi reza tersu hamutuk ho menina sira ne’ebé prepara husi menina sira no halo jogos misionaria iha tempu rekreiu nian (hahu tuku 20:15-22:00). Jogos ne’e prepara husi irman sira ho modelu kuiz, ne’ebé tulun menina sira atu konese di’ak liu-tan madre misionaria dahuluk sira nia moris. Nune’e molok halo jogos, irman sira prepara antes istória madre misionaria dahuluk sira nian, hodi taka sai iha parede atu sira bele lee.

Jogos ne’e envolve ema hotu no molok hahu jogus irman sira esplika kona-ba lala’ok jogos nian no dehan ba sira katak ba sira ne’ebé hatene hatan ba perguntas sei simu prezente maibe sira ne’ebé la hatan sei hetan sansaun (kanta no halo poizia ba Na’in-Feto). Ho motivasaun ida ne’e halo sira ativu liu no iha hakarak bo’ot atu bele resposta perguntas ne’ebé sira dada. Husi jogos ne’e hatudu katak sira iha interese atu hatene.

Depoizde jogos, menina sira ne’ebé la bele hatan perguntas, sira hatudu ho espontania poizia no kantiku ou koregrafia ba sira seluk, hafoin Me. Veronika fahe prezente ki’ik ba sira ne’ebé manan. Ikus liu mak selebra Na’in feto nia loron hodi kanta “Parabens” ba Na’in-feto no merenda hamutuk. Hotu tiha selebrasaun ne’e, Me. Veronika fó Boa-noite hafoin taka ho orasaun  Ave-Maria ida ba Na’in feto.

(Miranda da Cruz)