Venilale – Dalan espirituál ida ne’ebé komunidade hotu iha Timor no Indonezia halo atu selebra festa agradesimento ba madre provinsial (madre Alma) mak Lectio Divina, ho pasagen Evangelho São Mateus 10: 7-15.”IMI SIMU HODI LA SELU, FÓ MOS HODI LA HEIN EMA SELU IMI”. Nune’e iha loron 8 Setembru 2017, komunidade Edukativa St. Maria Mazzarello halo orasaun hamutuk no fahe pasajen Evanjelho Saun Mateus 10:7-15 iha maneira Lectio Divina. Evanjelho apresenta diskursu kona ba misaun. Tanba misaun nia objetivu mak hatudu presenza Reinu Maromak nian. “ IMI TUIR DALAN HAKLAKEN BA KATAK REINU LALEHAN BESIK ONA”. Apostlu sira nia knar prioritáriu mak atu fó ba mundu, haklaken ida paz no salvasaun nian, ne’ebé sira rasik simu tiha ona.

Espresaun agradece nian sai husi ida-idak nia fuan katak liu husi misionariu/a sira mak ohin loron ita bele espresa ita nia fiar liu husi ita ida –idak nia profisuan. sira agradece liu-liu ba  presenza FMA sira nian tanba tulun tebes sira. Husi alunus mos katak sira haksolok atu hola parte iha familia ida ne’e tanba oferese ba sira oportunidade oi-oin atu haburas sira nia-an ho atividade no buat oi-oin iha fatin ne’e.  ami hotu konsente katak buat hirak ne’ebé ita simu de grasa Maromak husu atu ita fo de gars aba hirak ne’ebé ita hasaru iha ita nia misaun. Wainhira ita loke-an ba Maromak nia Espíritu, Nia sei akompaña ita atu hala’o didiak knar hotu ho responsabilidade no fuan gratidaun nian. ikus ania taka ho orasaun Ami Aman hodi kaer liman nu’udar sinal unidade nian atu ita la’o hamuttuk hodi kontinua atu sai ba ema seluk sinal sira presenza Maromak Nia reinu nian.

(Yasinta Hoar Bria)