Venilale – Nu’udar preparasaun atu selebra loron istóriku espedisaun Misionaria dahuluk Filhas de Maria Auxiliadora nian no fest a Agradesimentu Inspetoria nian, madre Floriana Guterres, iha loron 2 Setembru, ho entuziasmu apresenta ba alunus, madres, no profesores komunidade Santa Maria Mazzarello Venilale. konhesimentu ruma kona ba laran manas madre dahuluk sira nian atu ba rai misaun hodi haklaken Cristu ba ema seluk.

Primeira parte madre Floriana apresenta Don Bosco nia mehi atu ba rai misaun ne’ebé akontese iha tinan 1862. Nune’e ho Maromak Nia providensia Don Bosco simu ho ksolok Aman nian, foinsa’e feto nain sanulu resin ida ne’ebé ho laran luak hatan SIM atu sai relijiosa iha iha loron 5 Agosto 1872 iha protesaun Maria Auxiliadora nian.  iha loron 9 fulan Novembru tinan 1877 irmã Angela Vallese no Giovanna Borgna ba hasoru papa Pio IX atu simu bensa, amo Papa fo parabens ba irmán sira  ne’ebé iha laran manas atu ba rai misaun. Notisia furak liu, hino ksolok nian sai husi irmán ida-idak nia fuan, sira hotu  agradese ba Nain Feto. Laran manas misionaria nian katak MISAUN ADGENTES mak instituto nia identidade esensial ba membru sira hotu. Iha mos kriteriu ruma Misionaria nian ne’ebé apresenta hanesan: sai ema ne’ebé harohan nafatin, silensiu, disponibilidade/ Ha’u mak ba, domin ba Nain feto, fo-an tomak ba ema sluk nia diak no iha sentidu hola parte.

Segunda parte madre Floriana apresenta irmán misionaria dahuluk sira nia karaketeristika ruma ne’ebé halo sira sai laran manas liutan atu fo-an iha rai misaun.

1. Irmã Angela Vallese.

• Nu’udar superiora
• Feto forte no fiar boot
• Laran manas apostolika makaas
• Nia nunka husi rai misaun tanba sai ona ninia rai rasik.

2. Irmã Angela Denegri
3. Irmã Teresa Mazzarello

• Laran manas iha knar sira
• Ema ne’ebé desididu
• Piedade boot
• Irmã ne’ebé hatene halo sakrifisiu makaas

4. Teresa Gedda

• Hatene halo sakrifisiu iha buat hotu
• Brani
• Hatene halo tuir
• Laran midar no laran maus ba ema hotu

5. Giovanna Borgna

• Kolabordor diak madre Ángela nian

6. Ángela Cassulo

• Haraik-an no simples
• Hatene halo sakrifisiu
• Don Cagleiro dehan: “ nia ema santa ida, diabo mos la hatene atu halo said aba nia tanba nia attitude pasiensia boot liu,

Terseira parte madre apresenta NEO-MISIONARIA (2016-2017), apresenta irmán sira husi Nasaun oi-oin ne’ebé ho laran manas ba rai misaun. Ikus nian taka ho perguntas : saida mak hau nia knar nu’udar Misionaria iha fatin ida ne’e? saida mak hau kontribui? Nu’udar alunus hakaas-an atu loke-an, disponivel, respeita ambiente, kolabora ho profesores, halo tuir regra no tulun maluk sira ho laran luak. Nu’udar profesores pronto fo-an. Nu’udar madre, halo ho domin knar ne’ebé hau simu ho domin boot.

(Yasinta Hoar Bria)