Irmán foin-sa’e saleziana nain 5 no Concepcionista nain 5 hahú sira-nia kursu bienál formasaun ba irmán juniora sira iha loron 14 Janeiru 2012 no sei remata tinan dahuluk iha loron 23 Juñu 2012 ho ofisina komunikasaun sosiál nian.

DESKRISAUN KURSU  NIAN

Iha ótika Kreda komuñaun nian, Institutu FMA (Figlie di Maria Ausiliatrice) oferese espasu formativu ho “Kursu Formasaun ba Irmán Jun-iora sira” ba irmán junora sira husi kongregasaun hotu.

Kursu ne’e hatuur an nu’udar formasaun kontÍnua tuir perspetiva dinámika dezenvolvimentu nian, iha ne’ebé ema kontinua nia formasaun iha moris tomak. Formasaun ba irmán junior sira iha nu’udar objetivu:

• Hametin koñesimentu báziku sira ne’ebé irmán simu iha eskola sekundária;
• Favorese koñesimentu kona-ba irmán nia an rasik no dezenvolviemntu kapasidade sira nian;
• Hakle’an matéria kulturál, antropolójika no pedagójika ne’ebé tulun atu interpreta realidade ohin loron nian no fó kualidade ba misaun apostólika.

ARTIKULASAUN

Kursu iha durasaun ba tinan 2 no hala’o fulan ida dala rua iha segundu no kuartu sábadu. Kursu sei fahe ba módulu teóriku no módulu teóriku-prátiku ho ofisina, tutoria,no aprofundimentu pesoál, posibilidade akompañamentu nian atu favorese integrasaun pesoál iha kontestu konkretu ne’ebé irmán hela bá no apostoladu ne’ebé hala’o hela.

Formasaun sosiu-kulturál no sientÍfika:

Matemátika

Geografia no Istória

Siénsias Naturais

Sosiolojia-Antroplojia

Introdusaun ba Filozofia

Formasaun psiko-pedagójika:

Psikolojia Dezenvolvimentu Umanu Nian

Psikolojia Vida Konsagrada

Metodolojia iha Ensinu

Teoria no Téknika Sira Komunikasaun Sosiál Nian (Ofisina)

Dinámika Grupu Nian (Ofisina)

Ba sira ne’ebé iha interese kursu tinan daruak sei hahú fali iha fulan Janeiru 2013 hodi kontakta irmán saleziana sira iha Centro de Formação João Paulo II, Comoro – Dili.