Amu-Papa konvida amululik sira atu husu “grasa paternidade espirituál nian”

 

Sidade Vaticano (Zenit) – Amululik sira, maski selibatáriu, tenke sai mós “aman” sira, ne’e mak mensajen Papa Francisco nian iha misa 25 Juñu, iha Casa Santa Marta. “Paternidade” ne’ebé Bergoglio temi la’ós “fízika”, maibé paternidade espirituál amululik sira-nian hasoru ema sira ne’ebé konfia ba sira. “Grasa espesiál” ida, ne’ebé Na’i haraik iha kazu ruma de’it.

Konvite ne’e liga ho konvite hanesan ne’ebé Amu-Papa halo ba irmán besikk na’in 900 Uniaun Internasionál Superiora Jerál sira, ne’ebé nia simu iha audiénsia loron 9 Maiu iha Sala Paulo VI, atu sai “inan fekunda sira”. Sai “aman” ba ema signifika fó moris ba nia, Papa Bergoglio esplika, no halo ita sai hanesan Jezús Kristu, ne’ebé mate no moris hi;as mai ita, ba ema seluk.

“Hakaran atu sai aman”, Amu-Papa hateten, hakerek iha “iha ema nia fibra kle’an liu ema nian”. Amululik iha mós hakaran kle’an ne’e, ne’ebé nai orienta no moris ho forma espirituál. “Bainhira mane ida la iha hakaran ne’e:, Amu-Papa hatutan, “buat ruma falta iha nia:. Ita hotu, atu “sai kompletu, tasak, presiza sente ksolok paternidade nian: iha mós, selibatáriu sira”. Tanba “paternidade mak fó moris ba ema seluk, fó moris… Ba ita, mak paternidade pastorál, paternidade espirituál; maibé ne’e katak fó moris, sai aman”.

Amu-Papa nia reflesaun ne’e mai husi leitura loron nian husi livru “Gênesis”, iha ne’ebé Maromak promete ba Abraão ksolok oan-mane ida no dexendénsia boot, maski nia katuas ona. Abraão hasa’e sakrifísiu balada ruma nian, tuir Maromak nia liafuan, atu hametin aliansa, no hafoin defende ninia sakrifísiu husi manu-fuik sira ne’ebé hakarak mai han na’an sira. Iha Amu-Papa nia opiniaun kuadru ne’e komovente tebes, tanba “hateke ba katuas tinan 90 ne’e, ho ninia ai-tonka” defende ninia sakrifísiu, “hao ha’u hanoin aman ida ne’ebé defende família, oan sira”.

Sai aman tuir paternidade “espirituál” mak “bensan ida” ne’ebé amlulik hotut enke husu, Papa Francisco hateten. “Kona-ba salan ita iha barak, maibé ida-ne’e commune sanctorum: ita hotu iha salan. Maibé la iha oan, la sai aman, hanesanita la moris to’o rohan. Nia para de’it iha dalan klaran”. Sarani sira rasik, Papa Bergolio observa, hakarak haree buat ne’e iha amululik sira: “Ema sira bilu ita padre, aman… ita tenke sai aman liuhusi grasa paternidade pastorál”.

“Ita agradese Maromak ba bensan paternidade nian iha Kreda, ne’ebé tutan husi aman ba oan”. Ita haree ida-ne’e iha ilas “Abraão ne’ebé husu oan-mane ida” no “Abraão ne’ebé defende família”. Ita iha mós “ilas katuas Simeão iha templu, ne’ebé, simu tih amoris foun, nia halo liturjia espontánea, liturjia ksolok nian”.

Papa Francisco nia liafuan durante Misa iha Santa Marta, ba dala uluk, iha fulan tolu nia laran dedika ho modu partikulár ba bispu no amululik sira.

Sira akompaña kardeál Salvatore De Giorgi, arsebispu eméritu Palermo nian, ne’ebé selebra ninia aniversáriu 60 ordenasaun amululik nian.

Papa Francisco hanoin kona-ba aniversáriu iha omilia, hodi dirije ba kardeál liafuan afetu no estima nian: “Ha’u la hatene sá mak ita-nia Salvatore doben halo”, Amu-Papa hateten, maibé “ha’u iha serteza katak nia ‘aman’ ida. Ne’e mak sinál ida”, nia hatutan, hodi husi ba relijiozu sira ne’ebé akompaña nia atu tuir ninia ezemplu. “Oras-ne’e imi mak tenke halo”, Papa Bergoglio konvida hodi dehan katak ai-hun ida-idak “fó fuan husi nia an rasik no, se ai-hun di’ak, nia fuan mós tenke di’ak,?”. No nia konklui: “Imi keta halo fuan aat!”.