Venilale – Hodi selebra loron istóriku ita nia Institutu nian, ohin, (5 de Agosto 2017), iha komunidade Santa Maria Mazzarello Venilale, selebra ho solenidade santa Eukaristia ne’ebé padre Abrão ho laran luak mai atu selebra hamutuk ho irmã, formande no menina balun ne’ebé la halo ferias iha sira nia uma. Ho fuan nakonu ho ksolok, hasa’e agradece wain ba Maromak tanba liu husi santo fundador sira (Don Bosco no Madre Mazzarello), ita nia institutu buras no la’o ba oin nafatin. Loron ohin mak eventu ida forte no komunhaun nian ne’ebé Filhas de Maria Auxiliadora iha mundu tomak selebra. Sentimentu ida klean nu’udar familia Maria nian, ne’ebé hatudu iha Don Bosco no Madre Mazzarello sira nia moris ba kiik no kiak sira. Loron ida ne’e fo hanoin ba Filhas de Maria Auxiladora hotu atu renova sira nia aliansa domin nian ho Maromak, no sai sinal katak ita nia moris  mak hahi ida ba Aman Maromak nia laran sadia, marka  ho empenhu atu moris rahun diak sira Reinu Maromak nian hanesan iha konstitusaun hateten: iha Komunhaun ho irma sira ita haklaken Kristu ba foinsa’e sira.

Iha omilia padre Abrão hato’o mós mensagen furak katak, institutu ne’e hola parte totalmente ba Maria, nune’e Don Bosco ho fuan gratidaun nian ba Maria, nia entrega irmã sira nu’udar monumentu moris agradacimentu nian ba Maria. Institutu sai  buras laós tanba irmã ida nia matenek maibe Maromak nia tulun hodi akompanya irmã sira atu hala’o didiak knar ne’ebé entrega iha sira liman liu-liu ba foinsa’e sira nia salvasaun. Irmã sira hakaas-an atu tulun malu hodi hanoin katak Maromak bolu imi atu lori misaun ne’e ba oin ho totalmente saran –an tomak ho ksolok. Keta deskorajen wainhira iha difikuldade, tanba Maromak hili, Nia rasik sei tau matan.

Ami mós haksolok tanba Irmã sira kongresaun Santa Ana ne’ebé hela iha komunidade mós haksolok ho ami iha loron ne’e, no ami sei kontinua selebra loron istóriku ida ne’e ho jogos hamutuk kontra menina sira iha lorokraik.

(Yasinta Hoar Bria)