ANS (Roma) – “Iha buat tolu furak liu ne’ebé haraik mai ha’u nu’udar Reitór-Mor”, padre Pascual Chávez fó sai iha ninia festa loron 24 Juñu durante “bonoite: iha konkluzaun ba festa simples dedika ba Don Bosco nia susesór, hala’o iha Uma Jerál iha Roma. Festa da, ne’ebé iha ninia manndatu daruak nia konkluzaun, marak ho karakterístika agradesimentu nian ba tinan 12 servisu autoridade nian iha Kongregasaun  saleziana.

“Ida uluk mak posibilidade atu koñese di’ak liu Don Bosco no, iha medida posivel nian, banati tuir nia!”.

Padre Chávez haktuir kataktensaun ba ida-ne’e hahú ho modu partikulár bainhira padre Egidio Viganò (Reitór-Mor 1977-1995) konvoka nia iha 1988 (sentenáriu DonBosco nia mate nian) atu komunika ninia intensaun atu nomeia nia ba Provinsiál México Messico Guadalajara nian no hateten ba nia: “Don Bosco sei la mate se ó sai Don Bosco aban nian!”. “Ha’u la hanoin katak fraze ida-ne’e sei gia nia moris bainhira, nu’udar Reitór-Mor, nia simu bolun atu koñese di’ak liután nia no, liuliu komunika nia ba ema seluk”.

Don daruak ne’ebé ha’u simu nu’udar Reitór-Mor mak foin0sa;e sira. “Husi kedas ha’u aspirante ha’u konsidera foin-sa’e sira don Maromka nian! Ha’u iha sira-nia leet sente loos duni haksolok no ha’u dehan tebes duni, ha’u sente naturál atu bá ahsoru sira no iha relasaun ho sira. Ne;e mak don ida Maromak haraik mai ha’u no, hanesan ha’u hateten beibeik, sira reprezenta don ida ba povu naran ida: povu ida ne’ebé la iha ona foin-sa’e sira mak povu ida lahó futuru”. “Hanesan ba sosiedade, foin-sa’e sira mak don ida ba Kreda no ba ita Família Saleziana.Se iha foin-sa’e sira karik, sei iha futuru ba ita salezianu sira! Tan ne’e ha’u hafoun ha’u-nia apelu atu filafali ba foin-sa’e sira nu’udar ita nia razaun moris nian!”

Posibilidade atu deskobre Família Saleziana mak don datoluk ne’ebé padre Chávez konsidera nia simu nu’udar Reitór-Mor. Husi enkontru dahuluk ho “Figlie di Maria Ausiliatrice”, durante formasaun inisiál, to’o deskobre grupu seluks ira. “Ohin loron Família Salezian mak tebes duni ai-hun ida! Ita iha grupu 30! Presiza kompleta prosesu unifikasaun nain ne’ebé lori atu hala’o obra iha partilla intensaun no projetu nian. ‘Iha territóriu mak Família Saleziana tenke halo sai prezente’ padre Vecchi hateten no ha’u fiar katak to’o ona tempu atu atua iha liña ida-ne’e”.

Festa Reitór-Mor nian, ne’ebé kontinua tradisaun festa ‘onomástika’ Don Bosco nian, hahú ho selebrasaun Eukaristia nian iha dadeer ho partisipasaun husi salezianu sira Roma nian, Provinsiál foun sira ne’ebé foin nomeia no remata sira-nia formasaun, salezianu no pesoál leigu sira iha Uma Jerál. Prezente iha ne’e mós ho sira-nia intervensaun D. Francesco Giovanni Brugnaro, bispu Camerino-San Severino Marche, Madre Yvonne Reungoat, Superiora Jerál Figlie di Maria Ausiliatrice nian, no Konselleira ruma.