Festa Transfigurasaun Na’i nian hahú selebra iha Oriente iha sékulu V, no iha Osidente iha 1457. Transfigurasaun ne’ebé akontese molok anúnsiu Paixaun no Mate nian, prepara Apóstolu sira ba komprensaun mistériu ne’e nian. Ho objetivu hanesan mak Igreja selebra festa ne’e loron haatnulu molok Ezaltasaun Krús nian, iha 14 Setembru. Transfigurasaun, manifestasaun vida divina, ne’ebé horik iha Jezús, mak antisipasaun glória nian, ne’ebé sei hakonu kalan Páskua nian. Apóstolu sira, bainhira haree Jezús nia kondisaun Atan nian, labele haluha ninia kondisaun divina.

Download