Maun no biin-alin sira, bindia!

 

Diskursu ai-kanoik Jezús nian, ne’ebé tau hamutuk ai-kanoik hitu iha Evanejellu Mateus nia kapítulu da-13, taka ho tanesan tolu ohin nian: rikusoin ne’ebé subar (v. 44), fatuk-murak folin liu (v. 45-46) bo dai tiha nian (v. 47-48). Ha’u para iha rua uluk ne’ebé subliña protagonista sira nia desizaun atu faan buat hotu atu bele hetan buat ne’ebé sira deskobre. Iha kazu dahuluk mak serbisu-na’in to’os nian ida ne’ebé porakazu hetan rikusoin ne’ebé subar iha to’os ne’ebé nia serbisu bá. Tanba to’os ne’e la’ós ninia propriedade nia tenke sosa se nia hakarak hetan rikusoin ida-ne’e: nune’e nia deside atu tau iha risku ninia soin hotu atu la lakon okaziaun exesionál ida-ne’e. Ih akazu daruak ita hetan komersiante ida fatuk-murak nian; nia, ema matenek ne’ebé koñese, identifika tiha fatuk-murak ida ho folin boot. Nia mós deside atu tau nia soin hotu ba fatuk-murak ne’e, to’o faas hotu sira seluk.

Tanesan sira ne’e tau iha evidénsia karakterístika rua kona-ba soi Maromak nia Reinu: buka nia no sakrifísiu. Loos duni, Maromka nia Reinu oferese ba ema hotu – don ida, regalu ida, grasa – maibé la tau iha bika ida osan-mutin nian, presiza dinamizmu ida: katak buka nia, la’o, haka’as an. Atitude buka nian mak kondisaun esensiál atu hetan; presiza atu fuan lakan ho hakaran atu hetan soin folin liu ne’e, katak Maromak nia Reinu ne’ebé prezente iha Jezús nia an. Nia mak rikusoin haksumik hela, Nia mak fatuk-murak foilin boot. Nia mak deskoberta fundamentál, ne’ebé bele halo virajen desiziva ida ba ita-nia moris, hodi hakonu nia ho signifikadu.

Iha deskoberta ne’ebé la hein ida-ne’e nia oin, servisu-na’in to’os nian nune’e mós komersiante sira konxiente katak sira iha okaziaun únika ne’ebé labele husik liu, tanba ne’e, sira faan buat hotu sira soi. Avaliasaun kona-ba folin maka’as rikusoin ne’e nian, lori ba desizaun ida ne’ebé implika mós sakrifísiu, hakoren no renúnsia sira. Bainhira deskobre rikusoin no fatuk-murak, bainhira ita hetan Na’i, keta husik deskoberta ne’e la fó fuan, maibé sakrifika buat seluk ba nia. La’ós desreza buat seluk, maibé tau Jezús nia okos, tau nIa iha fatin dahulu. Grasa iha fatin dahuluk. Kristu nia dixípulu la’ós ema ida ne’ebé hamamul an husi buat ruma esensiál; nia mak  ida-ne’ebé hetan buat ruma liután: nia hetan ksolok nakonu ne’ebé Na’i de’it bele haraik. Ne’e mak ksolok evanjéliku ne’ebé ema moras sira hetan fali isin di’ak nian; ema maksalak sira ne’ebé hetan perdaun nian; naok-teen ne’ebé odamatan lalehan nian nakloke ba nia.

Ksolok Evanjellu nian hakonu ema sira ne’ebé hetan Jezús, sira- nia fuan no moris tomak. Ema sira ne’ebé  husik Nia salva sira hetan libertasaun husi salan, husi laran-susar, husi mamuk interiór, husi izolamentu. Ho Jezús Kristu ksolok nafatin moris no moris hikas fali (kf Evangelii Gaudium, n. 1). Ohin ita simu lia-menon atu kontempla serbisu-na’in iha to’os no komersiante ai-kanoik sira ninia ksolok. Ne’e mak ksolok ne’ebé ita idaa-idak iha bainhira ita deskobre Jezús nia prosimidade no prezensa konsoladora iha ita-nia moris. Preznsa ida ne’ebé tranforma fuan no loke ita ba maun-alin sira nia nesesidade no akollimentu, liuliu sira ne’ebé fraku liu.

Ita harohan, liuhusi Virjen Maria nia intersesaun, atu ita ida-idak hatene fó sasin, ho liafuan no jestu loroloron nian, ksolok heta rikusoin Maromak nia Reinu nian, katak domin ne’ebé Aman haraik mai ita liuhusi Jezús.