RV – Hanesan kuarta hotu, Papa Francisco hasoru  iha dadeer ne’e peregrinu no sarani barak husi Nasaun oioin ba Audiénsia jerál, iha Prasa S. Pedro.

Iha ninia katekeze, Amu-Papa dezenvolve espresaun seluk ne’ebé Konsíliu Vaticano II uza atu indika natureza Kreda nian nu’udar Kristu nia Isin!

Atu esplika espresaun ne’e, Papa Francisco hahú husi “S. Paulo nia konversaun”, evanjelizadór boot ida. Apóstolu Paulo nia esperiénsia konfirma uniaun kle’an entre sarani sira no Kristu rasik. Jezús, bainhira sae ba Lalehan, la husik ita oan-kiak. Nia haruka don Espíritu Santu, halo ita-nia uniaun ho Nia sai forte liután.

[Asesu kópia ho lia-portugés]

Konsíliu Vaticano II afirma katak, hosi komunika nia Espíritu, Jezús harii ho modu místiku, nia maun-alin sira, mai husi povu hotu, nu’udar nia isin. Amu-Papa esklarese:

“Ilas isin nian tulun komprende ligasaun kle’am entre Kreda no Kristu, ne’ebé S. Paulo dezenvolve.Isin mak realidade moris ida. Kreda la’ós asosiasaun asistensiál, kulturál no polítika, maibe isin moris ida, ne’ebé la/o no atua iha istória. Isni ne’e nia ulun mak Jezús nia isin, ne’ebé gia, habosu no sustenta”.

Ne’e mak pontu sentrál ne’ebé Papa Francisco hakarak destaka. Seita haketak ulun husi isin, ema la bele moris. Nune’e mak akontese ho Kreda: ita tenke hela metin hamutuk, intensu liután ba Jezús. Nu’udar isin moris tanba linfa vital, nune’e mós ita tenke husik Jezús atua iha ita, atu nia Liafuan gia ita, atu nia prezensa Eukarístika habosu ita, anima ita, no atu nia domin fó kbiit mai ita atu hadomi maluk.
“Ita metin nafatin ho Jezús, konfia nia; orienta ita-nia moris tuir ninia Evanjellu; ita habosu an ho orasaun loro-loron, rona Maromak nia Liafuan no partisipasaun iha Sakramentu sira”, Amu-Papa dehan.

Hafoin, Papa Francisco hatutan aspetu daruak ba Kreda nu’udar Kristu nia Isin, tuir Apóstolu Paulo: iha Kreda iha knaar no funsaun oioin; la iha uniformidade ida komún, maibé rikeza don sira-nian, ne’ebé Espíritu Santu fahe. Iha komuñaun no unidade: hotu-hotu iha relasaun ba malu no buat hotu ba formasaun isin vitál ida de’it, profundamente metin ba Kristu. Entaun, Santu Padre fó hanoin ba sarani sira:

“Hola parte iha Kreda signifika liga sai ida ho Kristu no simu husi Nia vida divina, ne’ebé halo ita moris nu’udar sarani; katak sai ida ho Papa no Bispu sira, ne’ebé sai instrumentu unidade no komuñaun nian; signifika mós aprende supera personalizmu no divizaun sira, komprende liután an no armoniza variedade no rikusoin ida-idak nain”.

Amu-Papa fó hanoin katak hadomi Maromak no ema sira, sira ne’ebé iha ita-nia sorin, iha família, iha parókia, iha asosiasaun sira. Atu isin no membru sira bele moris, sira tenke sai sai ida de’it”! Unidade supera konflitu sira; grasa ida ne’ebé ita tenke husu Na’i, atu hasai ita husi tentasaun divizaun nian, funu entre ita, husi egoízmu sira. No nia konklui: Danu hira mak divizaun entre sarani sira, partidarizmu, interese aat halo ba Kreda”.