Liturjia Domingu ne’e nian konvida ita atu hola konxiénsia kona-ba importánsia Maromak nia liafuan nian no sentralidade ne’ebé nia tenke asume iha sarani sira nia moris.

Leitura dahuluk garante ita katak Maromak nia Liafuan fekundu no kria moris. Nia haraik esperansa mai ita, hatudu mai ita dalan ne’ebé ita tenke halo no haraik korajen atu ita intervein iha mundu. Nia nafatin efikás no nafatin prodús efeitu, maski dalaruma la atua tuir ita-nia interese no kritériu sira.

Evanjellu propoin mai ita, uluknanai, reflesaun ida kona-ba forma oinsá ita simu Liafuan no husu ita atu sai “rai isin”, disponivel atu rona Jezús nia proposta sira, atu simu no atu husik nia fó fuan barak iha ita-nia moris loroloron nian. Nia garante mós katak “Reinu” Jezús propoin mak realidade ida kompara-laek, iha ne’ebé sei hatudu sai ninia glória tomak no fekundidade Maromak nia moris nian.

Leitura daruak aprezenta temátika ida (solidariedade entre ema no kriasaun seluk). Maromak nia Liafuan mak fó kritériu sira atu ema bele moris “tuir Espíritu” no atu  bele harii “lalehan foun no rai foun” ne’ebé ita mehi.

Download