Dili – Iha loron 9 de Juñu Komunidade Balide  halo prosisaun husi Balide to’o Bemori ho Família boot Me. Sebastiana nian, wainhira ami lao tuir dalan ema ne’ebé haree admira tanba prosisaun ho Na’i-Feto Auxiliadora, maibé iha balun ne’ebé haree halo mós hodi halo sinál krús no reza hamutuk ho ami. To’o iha ne’ebá família prepara simu Na’i-Feto ho dansa tebedai no ho liafuan Bemvinda.

Hafoin lori ba iha uma ami reza no depoizde reza Madre Alex fó formasaun oituan ba sira. Família sente Kontente tebes sira sente katak Na’i-Feto nia vizita lori grasa no bensaun ba família no la’ós deit família maibé mós ba Bairru tomak ne’ebé mai partisipa.

Na’i-Feto tulun nain, hakat ba família nia uma, hamahan sira ho nia futar ilas, hametin sira nia domin ho domin rohan laek. Ave Maria Auxiliadora! Ilas murak no lulik tebes. Molok atu fila Ir. Aurea ba fó formasaun ba família la’ós deit Madre mak koalia kona ba Na’i-Feto maibé família rasik fó sasin kona ba Na’i-Feto nia protesaun no nia tulun iha família nia moris. Iha sasin balun husi  família haktuir katak Na’i-Feto ne’e iha no nunka husik ami  mesak atu halao moris, nune’e iha tempu susar no terus, ami sempre haksolok  tanba buat hotu ne’ebe ami hetan mai husi nia intervensaun rasik.

Inan Santa nain! fatin wain tebes nia liu, liu duni ho domin, nia mak loron matan furak ne’ebé ba leno família nia moris, hanesan iha introdusaun sira dehan Na’i-Feto iha Kana matan moris hodi haree ba família nia nessesidade, prezensa ativa no laran luak, liu-liu wainhira tua la iha ona, tua nudar símbolu ksolok rohan laek. Nune’e Maria mak ida ne’ebé harohan nafatin ba família ida-idak atu Na’i see tilun ba kiak sira nia hakilar wainhira husu ho fuan ne’ebé los hodi halo tuir buat ne’ebé Nia haruka.

Ikus família hamutuk ho Bairru ba iha Komunidade-Balide atu halo misa enseramentu nian horisehik, 15 Juñu, intensaun hamutuk hodi agradese ba Maromak ba diak hotu ne’ebé hala’o ona iha família nia istoria no dala ida tan hato’o liafuan obrigada ba Na’i-Feto.