Leitura sira domingu ne’e nian hatudu difikuldade moris nu’udar dixípulu, hodi fó sasin kona-ba Maromak nia projetu iha mundu. Persegisaun la sees husi dixípulu nia moris… Maibé garante mós katak Maromak nia solisitude no domin la husik dixípulu ne’ebé fó testemuñu salvasaun nian.

Leitura dahuluk aprezenta mai ita profeta Testamentu Tuan nia ezemplu – Jeremias. Nia mak paradigma profeta terus-na’in, ne’ebé esperimenta persegisaun, solidaun, abandonu tan Liafuan; maski nune’e, nia kontinua konfia iha Maromak no haklaken – ho koerénsia no fidelidade – Maromak nia proposta ba ema sira.

Iha Evanjellu, Jezús rasik mak, hodi haruka dixípulu sira, aviza sira kona-ba persegisaun no inkomprensaun sira; maibé hatutan: “imi keta ta’uk”. Jezús garante ba nia emar sira Maromak nia prezensa kontínua, solisitude no domin, iha sira-nia dalan iha mundu.

Iha leitura daruak, Paulo hatudu ba sarani sira Roma nian oinsá fidelidade ba Na’i nia projetu hamosu vida no oinsá vida ida organizada iha dinámika egoízmu no autosufisiénsia nian hamosu mate.

Download