Retiru anuál grupu dahuluk

Dili – Nu’udar ita hatene tinan-tinan iha nafatin halo Retiru Anuál,  nune’e iha loron 31 fulan Maiu, Irmán perpétua sira hamutuk 34 FMA no husi Kengregasaun seluk na’in 4, halo retiru iha Uma Inspetoria TIN (ToT), no konklui iha loron 7 fulan Juñu 2017.

Retiru ne’e nia pregadór mak Pe Mario Codamo, Sekretáriu Núnsiu Apostóliku iha Timor-Leste (Dili). Tema ba retiru ne’e mak kona-ba dixernimentu atu kura-moras espirituál no morál nian. Buat ne’ebé mak pregradór subliña liu mak oinsá atu halo dixernimentu ho modu justu ho Espíritu Santu nia roman. Nia fó ezemplu konkretu sira kona-ba moris komunidade liuliu hirak ne’ebé simu knaar atu akompaña Irmán sira, la’ós tuir ninia kritériu ka tuir ninia hanoin rasik, maibé ema ida tenké halo dixernimentu ho fiar boot, tanba iha dixernimentu iha Maromak Nia vontade la’ós “ha’u-nia hakaran”.

Iha loron 7 mak loron ikus nian, Irmán sira halibur hamutuk ho Pe Mario hodi halo sharing kona-ba tema ne’ebé nia fó. Iha Irmán balun fahe buat ne’ebé nia  senti kona-ba nia moris, balun fahe oinsá atu hadi’ak métodu dixernimentu ida atu bele aplika iha moris loroloron.

Bele haree katak Irmán sira hotu kontente ba buat ne’ebé sira rona husi pregadór, maski balun la hatene didi’ak italianu, no hein katak bele tulun sira-nia moris iha moris loroloron nian.

(Lucia Pereira)