Solenidade ne’ebé ohin ita selebra la’ós konvite ida atu desifra/interpreta mistériu ne’ebé haksumik iha “Maromak ida ema na’in tolu” nia kotuk; maibé konvite ida atu kontempla Maromak ne’ebé domin, Maromak ne’ebé família, Maromak ne’ebé komunidade no hakiak ema sira atu komunga iha mistériu domin ida-ne’e.

Iha leitura dahuluk, Maromak komuñaun no aliansa nian, hakarak estabelese ligasaun familiár ho ema, aprezenta nia An: Nia laran-di’ak no laran-sadia, neineik atu hirus no riku iha mizerikórdia.

Iha leitura daruak, Paulo espresa – liuhusi fórmula litúrjika “Na’i Jezús Kristu nia grasa, Aman Maromak nia domin, hamutuk ho Espíritu Santu hela ho imi” – realidade Maromak ida ne’ebé komuñaun, família no hakarak dada ema sira ba dinámika domin nian.

Iha Evanjellu, João konvida ita atu kontempla Maromak ida ne’ebé soi domin boot ba ema sira, to’o haruka nia Oan-Mane mesak mai mundu; no Jezús, Oan ne’e, kumpre Aman nia planu, halo nia moris sai don totál ida, to’o mate iha krús, atu oferese ba ema sira vida definitiva. Iha istória kmook domin nian ne’e mak Maromak hatudu nia fuan boot oinsá.

Download