Dili – Iha loron 15 fulan Maio 2017, loron ne’ebe hahu novena ba Na’i Feto Maria Auxiliadora, loron hanesan Madre provincial hala’o nia visita kanonika iha komunidade B. Eusebia Palomino Comoro. Objetivu ba visita kanonika ne’e atu haree komunidade nia moris uluk nanain moris orasaun, apostuladu, liu liu atu hasoru Irman ida-ida iha komunidade no mos haree obra sira ne’ebe komunidade hala’o.

Loron dahuluk Madre hasoru estudante sira husi 3⁰Ciclo, sira simu Madre  ho dansa modernu rua. Loron 2⁰  hasoru estudante Pre-Escolar, 1⁰, 2⁰ Ciclo, sira simu Madre ho dansa no kanta tempu hanesan madre, hasoru mos grupo assosiasões 3 hanesan Infancia Missionaria, Laura Vicuña no Domingos Savio. Ba kada grupu Madre hato’o ninia lia menon; ba estudante sira ho baseia ba Domingos Savio nia moto ne’ebe dehan:

• Haksolok nafatin,
• Halo knaar didi’ak nudar estudadnte
• Loron loron tenke hanoin bebeik ita nia belun Jezús,
• Habelun Jezús no Maria.

Ba grupo sira, madre dehan : ” liu husi atividade no formasaun sira Jezús dehan saida ba imi? ”.Madre husu ba grupu sira atu hanoin oituan kona ba formasaun no atividade sira ne’ebe sira hala’o ona. laos atu rame rame deit maibe iha ninia kualidade ba sira nia moris loron loron nian, hodi fo sasin diak iha eskola, uma no sosiedade. Iha Quinta Feira madre provinsial enkontro ho inan aman estudante 3^o ciclo nian; no loron tuir mai iha Sexta Feira komunidade no eskola hala’o misa agradesementu nian ba madre provinsial, depois de misa, madre hasoru kedas komunidade edukante professores no trabalhadores. Ikus nia Madre ba visita oratorio foun ne’ebe komunidade loke iha bairo ne’ebe besik iha komunidade. Oratori ne’e, foti  naran: Oratori João Paulu II nudar sira nia mahein.

(Grinalda da Costa)