Dili – Nu’udar ema hotu hatene no konxiente katak fulan Maiu mak fulan Na’i-Feto nian. Liuliu ba Família saleziana fulan ida ne’ebé bele dehan katak fulan ne’ebé halo esperiénisa ho Maria inan, mestre no tulun na’in. Ho ida ne’e mak ohin irmán Juniora no novisa sira organiza Quiz ba oratóriu sentru João Paulo II no Maria Ausiliadora Tasi tolu nian.

Iha quiz ne’e partisipa husi oratorianu no mós aman inan balun nune’e kuaze ema 200 mak partisipa iha quiz ne’e.   Objetivu quiz ne’e mak atu sensibiliza labarik, foin-sa’e, aman-inan atu iha koñesimentu kona-na Maria Virjen nia papel iha istoria salvasaun

Iha quiz ne’e Irmã sira mós prepara prémiu ki’ik ba sira ne’ebé manán husi fatin dahuluk, daruak no datoluk no mós dahaat. Maske quiz dura oras 2 nia laran maibé labarik hotu partisipa di’ak to’o sira simu mós merenda oituan hafoin ida-ida fila sira-nia uma.

(Lucia Pereira)