Dili – Ohin mak loron 20 fulan Maiu tinan 2017, loron Restaurasaun/independensia nasaun Timo Leste nian ba dala 15^o  no Instalasaun Prezidente foun, Francisco Guterres-Lo-Olo nu’udar Prezidente ba nasaun Timor Leste nian. Tan ne’e husi governu Timor Leste konvida Embaixadór italianu ba Indonesia no Timor nian mai partisipa eventu ida ne’e iha Tasi Tolu.

Liuhusi reprezentante embaxaida italiana nian iha Timor-Leste ne’ebé mak koñese ona Irman saleziana sira liuliu me. Alma C. Provinsiál nune’e Sr. Vitorio Sandali (embaixadór) ho ninia Sra. Elvira akompaña husi Sr.Paolo no nia Sra. Asesora  iha Timor Leste mai vizita obra sira Filhas de Maria Auxiliadora nian iha Comoro mak hanesan: Cafeteria, fatin Suku nian, eskola Maria Ausiliadora no ikus liu mak uma novisiadu-provinsiál hodi han meudia hamutuk ho komunidade.

Hotu tiha han meudia, Sr. Embaixadór hato’o mensajen badak kona-ba ninia misaun iha Indonesia no iha Timor Leste dehan: “misaun iha Indonesia susar oituan atu hala’o ninia misaun tanba kuran kontaktu ho povu, iha de’it Jakarta no haree katak realidade iha jakarta ema nia fokus liu ba ekonomia, maibé iha Timor Leste haree diferente mak moris umanu liu, haree katak relasaun entre ema sei di’ak liu”, hafoin nia agradese komunidade no madre provinsiál ne’ebé mak simu sira ho di’ak no han meudia ho komunidade. Hotu tiha han meudia sira fila fali ba sira nia fatin.

(Lucia Pereira)