Festa agradesimentu Komuidade Maria Auxiliadora – Venilale

Venilale – Loron 18/05/2017, komunidade Maria Auxiliadora selebra festa agradesimentu ba Maromak no ba moris hamutuk durante tinan ida nia laran hodi rekoñese ba di’ak hotu ne’ebé fahe ba malu.  Tema ba ami nia festa agradesimentu nian ne’e mak “Obrigada ba espíritu família”. Tempu furak liu tanba ami selebra Festa iha tempu novena ba Maria Auxiliadora. Gratidaun mak nu’udar liman rohan ida ne’ebé Don Bosco no Madre Mazzarello husik hela mai ita, nune’e kontínua hadaet iha ita hodi lori espíritu ida ne’e ba oin iha ksolok.

Molok festa ida ne’e, Ami hahu ho preparasaun simples ne’ebé ami halo mak; reza ba malu entre menbru komunidade, ba grupo kategoriais oioin ne’ebé mós hola parte komunidade ne’e no durante preparasaun ami oferese ba Me. Esmeralda nu’udar Superiora komunidade nian  Misa , Tersu no sakrifisiu sira, nu’udar talin komuñaun no sentru unidade nian iha komunidade, ida ne’e mak ami nia prezente espirituál ba madre.

Ami hatudu ami nia domin ba malu liu husi orasaun vijilia kalan nian, teatru , misa ne’ebé furak loos, ho Irman sira, kandidata, orfans no kolaboradora sira nia partisipasaun. Ho festa ida ne’e ami husu ba Maromak kontínua haburas iha ami le’et espíritu família. Obrigada Naí, obrigada Me. Esmeralda doben!

(Agata Freitas)