“Maria mak halo buat hotu”

Selebra tinan 25 prezensa FMA nian iha Timór

 

Dili – Abertura ba selebrasaun aniversáriu prezensa FMA tinan 25 nian hahú tiha iha loron 13 Maiu bainhira irmán Alaíde Deretti iha ne’e ho ninia vizita animasaun misionária nian husi loron 12-20 Maiu liubá. Abertura ne’e hahú ho Missa festa Maria Mornese nian no Maria Nazaré nian. Hanesan komisaun ba tinan 25 planu, festa hahú ho peregrinasaun Na’i-Feto Ausiliadora nia estátua, ida-ne’ebé mai dala uluk ho irmán saleziana pioneira sira iha Venilale.

Hanesan haktuir iha oráriu, Na’i-Feto hahú vizita uma sira iha Dili: Uma Inspetoriál, uma Divina Providénsia, no horisehik, 4 Juñu, uma Eusebia Palomino.

Iha despedida ba Na’i-Feto ne’ebé husik komunidade Divina Providénsia, diretora uma nian, irmán Luz Stella, agradese tebes ba Na’i-Feto, tanba Nia hatudu duni nia prezensa Inan nian, dada foin-sa’e sira besik Nia, ko’alia ho Nia tau matan ba nia oan ida-idak iha uma ne’e no la’ós de’it iha agora, maibé uluk kedas iha tinan 25 liubá.

Komunidade Eusebia Palomino mai foti Na’i-Feto hamutuk ho esudante “sétimo ano escola Maria Auxiliadora”. To’o iha eskola, irmán Gianna halo nia diskursu hodi fó benvinda ba Na’i-Feto iha ninia uma, hodi husu Nia vizita klase ida-odak, tau matan alunu ida-idak, profesór no profesora ida-idak.

 

Iha kraik ne’e mak oráriu kompletu vizita Na’i-Feto Ausiliadora Peregrina, ne’ebé sei remata iha fulan Setembru iha Venilale, fatin dahuluk irmán saleziana sira hodi hela bá atu tau matan ba orfanatu S. Domingos Sávio no loke oratóriu, klínika, hanoriniha eskola, nst.

 

Oráriu visita Na’i-Feto Peregrina Ausiliadora nian:

 

13 Maiu: Missa abertura peregrinasaun (FMA Dili prepara, hamutuk ho ADMA, AA, Cooperadores)

13-23 Maiu: uma Inspetoriál

24-3 Juñu: Divina Provvidenza

4-15 Juñu: Eusebia

16-30 Juñu: Kailaku

1-15 Jullu: Balide

16-30 Jullu: Baucau

1-15 Agostu: Fuiloro

16-31 Agostu: Laga

1-15 Setembru: Venilale MM

16-30 Setembru: Venilale MA