Selebra festa Madre Mazzarello iha komunidade S. João Bosco-Balide

Dili – Atu selebra didiak Festa Madre Mazzarello nian, komunidade hala’o atividades ruma ne’ebe bele tulun iha atu  haklean liu tan Madre Mazzarello nian moris. Nune’e iha Vigilia molok reza Primeira Vesperas (8 Maiu), ami hahu ho Tersu, ho Titulu: “Maria Nazare no Maria Mornese”: Husi Annunsiasaun ba to’o iha Calvario; husi Mazzarelli di Qua to’o Nizza Monferrato. Irma no foinsae sira iha Colegio fahe ba grupu lima, ida-idak prepara fatin ida-idak tuir sira nia kreatividade. Buat ne’ebe furak mak oin sa grupu ida-idak konsegue halo komparasaun Maria Nazare ho Maria Mornese,  explika didiak fatin ida-idak ninia importanza no nia karateristika sira: fahe ba momentu lima tuir mai.

• Momentu: Maria fo moris ba Jesus iha Belem: Maria Mornese fo moris ba FMA iha Colegio
• Momentu: Maria nia Vizitasaun; Maria Mornese kontemplasaun iha Valponasca
• Momentu: Maria Nazare ninia Annunsiasaun; Maria Mornese ninia moris iha Mazzarelli di Qua.
• Momentu: Maria apresenta Jesus iha Templo: Maria Mornese iha Parokia
• Momentu: Maria Nazare hetan Jesus Jesus iha Jerusalem: Maria Mornese iha Nizza Monferrato.

Bele hare katak ema hotu liu-liu foinsae sira ne’ebe balun foin hela ho ita no hahu kunese dadaun ita nia Karizma  kontente no partesipa didiak.

Depois de Tersu iha fatin ida, atu ba fali fatin seluk halo proseisaun ho Ilas Nai Feto no Madre Mazzarello.

No ohin mak selebra Misa hamutuk ho labarik, foinsae no familia sira.

Misa selebra husi Pe João Boavida, SDB ne’ebe ami prenotato fulan Abril kedas atu selebra Misa ba Festa Madre Mazzarello nian. Nia prepara didiak no bele dehan katak ida ne’ebe kunese Madre Mazarello, ho entuziasmu nia apresenta se mak Madre Mazzarello;

Primeiru: Koalia kona ba ninia vokasaun ne’ebe mosu husi ninia domin boot no hakarak boot atu serbi ema seluk. Exemplu wainhira nia sei foinsae maibe  prezisa nia tulun nia fo nia-an, to’o moras ida ne’e kona nia, maibe nia prontu atu serbi. Domin boot liu ba ema seluk to’o ke haluha nia-an rasik.

Segundu: Esperiensia maka’as liu neebe nia hakarak sai Madre: Labarik sira barak ne’ebe hakarak atu hakbesik ba nia, hanorin sira katekese, koalia. Madre Mazzarello nia personalidade  ne’ebe mak haksolok hanesan magnet  ne’ebe dada labarik sira, hafoin personalidade ne’ebe haraik-an ne’ebe halo nia hakbesik-an ba labarik no ema kiik sira. Iha virtude barak maibe liu-liu mak  haraik-an, ksolok, serbisu maka’as no halo karidade maka’as ba ema seluk, moris ne’ebe simples liu.

Liu-liu iha ninia festa ida ne’e buat ne’ebe ita bele aprende husi nia mak,Ninia dedikasaun, saran-an tomak ba foinsae sira, nia halo tuir didiak visaun ida ne’ebe klaru, ne’ebe Maromak hatudu ba Nia. Nia kumpri didiak Maromak nia hakarak ba nia. Hanesan mos iha Evanjelu ohin ita hare figura rua, Marta no Maria, koalia kona ba aspetu kontemplativa no ativa. Madre Mazzarello tanba nia orasaun ne’ebe maka’as mak tulun nia halo buat barak ba foinsae sira, to’o ke nia sai santa. Ikus Pe konivida foinsae sira ne’ebe partesipa Misa atu keta tauk fo-an sai Madre no Padre atu kontinua misaun salvasaun nian ne’ebe ita santo sira hala’o tiha.

Depois de Misa rein Relíkua Madre Mazzarello nian, hafoin fo merenda simples ne’ebe komunidade hafoin ida-idak fila ba uma.

(Alexandrina Pinto)