Mai ita promove ita nia Santu sira ba adolexente no foin-sa’e sira
Dili – Komunidade organiza hodi selebra Festa Santo Domingos ho oratoriano, animadores sira, foinsae ne’ebe frekuenta Curso Computer, no mos estudante SD, SMP no Professores Cristal nian.
Molok hala’o festa ami organiza hodi fo koñesimentu Domingos Savio nia moris ba labarik sira iha Oratoriu, liu husi Quiz, jogos, no halo inisiativa ida hodi konvida Domingos Savio husi Jardim Salesiana iha Lalehan atu mai iha TVTL Caicoli hodi aprezenta nia-an ba adolescente no foinsa’e sira. Labarik sira kontente ho kreatividade ne’ebe Irma sira prepara hodi apresenta Domingos Savio nia moris.
Ohin Misa ne’ebe selebra husi Pe. Joao Boavida, SDB.
Iha homilia Padre husu ba partisipante sira koñese no diak liu S. Domingos Savio, liu-liu nia koalia kona ba Domingos Savio ninia projetu ne’ebe Domingos halo wainhira nia halo primeiro Komunaun.
- Sei konfesa bei-beik wainhira confessor fo lisensa
- Hau nia belun mak Jesus no Maria.
Fo komentariu liu-liu kona ba Propozitu ida ne’e, Domingos Savio hakarak atu ba vizita bei-beik Santissimo tanba nia rona no aprende husi Don Bosco ne’ebe dehan: Se mak hakarak hetan grasa barak ba visita dala barak Jesus iha Santissimo, se hakarak simu grasa oituan deit vizita Jesus oituan deit, se la kohi simu grasa husi Jesus lalika ba vizita. Nia husu atu ita la bele falta hodi ba vizita Santissimo no mos reza lor-loron.
Padre mos explika liu tan kona ba wainhira Domingos Savio tama iha oratorio Don Bosco iha Valdocco, hare lia fuan DMACT nian, lia fuan sira ne’e atrai Domingos. Nune’e Domingos Savio ba hasouru kedas Don Bosco katak ita mak Alfaiate diak ida, hau mak hena ida ita bele tesi no suku sai hena furak ida hodi entrega ba Maromak. No ikus lin Pe konvida labarik no foinsae sira ne’ebe partesipa iha Eukaristia atu bele moris tuir Domingos Savio nia virtudes sira. Maski labarik mate ho idade kiik maibe nia hatene atu hili dalan ne’ebe lori nia ba santidade. Se ita hakarak atu tama iha lalehan ita hotu tenki sai santo. Santidade ne’ebe Don Bosco rekomenda ne’e fasil liu. Domingos Savio hakarak halo penitensia no sakrifisu barak maibe Don Bosco husu atu haksolok no hala’o knar lor-loron nian.
Depois de Misa rein Relíkia Domingos Savio nian hafoin ida-idak fila ba uma.
(Komunidade S. J. Bosco-Balide)
