Papa Francisco gia adorasaun ba Santíssimu Sakramentu iha mundu tomak husi Bazílika S. Pedro nian iha Roma,  horisehik tuku lima loraik (oras Roma) no ho modu simultáneu ho oras la hanesan parte barak mundu nian mós halo momentu adorasaun ne’e.

Adorasaun ne’e ba Amu-Papa nia intensaun sira:

1) Ba Kreda namkari iha mundu tomak no ida de’it iha adorasaun ba Santíssimu Sakramentu nu’udar sinál unidade nian. Atu Na’i halo nia furak ba beibeik, lahó foer noda, maibé santa no lahó salan. Husi nia anúnsiu, Liafuan bele nalian nu’udar maklorik laran-sadia nian no buras iha domin atu fó signifikadu ba terus no susar hodi fó fila fali ksolok no hakmatek.

2) Ba ema hotu iha mundu tomak ne’ebé sei terus moris eskravidaun nian no sai vítima funu nian, tráfiku ema nian, no servisu atan nian. Ba labarik sira no feto sira ne’ebé sofre violénsia oioin. Ba ema sira ne’ebé moris problema ekonomia nian no situasaun prekária, dezokupadu, katuas no ferik sira, imigrnate sira, ema ne’ebé la iha uma, priziioneiru sira, no sira ne’ebé esperiénsia marjinalizasaun. Atu Kreda nia orasaun no prosimidade fó ba sira konfortu no asisténsia iha esperansa no aten-barani atu defende dignidade umana.

Komunidade FMA iha Timor-Leste no Indonézia mós balun  tuir adorasaun ho Amu-Papa iha kalan boot, balun halo oras ida antes, balun halo ho parókia.

Iha kraik ne’e testu simples ida adata husi adorasaun halo iha Bazílika S. Pedro nian iha Roma.

ADORASAUN BA SANTISIMU SAKRAMENTU

KANTU ESPOZISAUN NIAN :

Adorasaun

LEITURA BIBLIKA : João 6:35 ³⁵Jesus hatan ba sira: “Ha’u mak aihan moris nian. Ema ne’ebé hakbesik Ha’u sei la hamlaha tan; no ema ne’ebé fiar Ha’u sei la hamrook tan. (Pausa)

INVOKASAUN :

HATAN : Nai Jezús , Ita nia domin mak fiel.

1. Haraik ba ami nia Papa Francisco sabedoria, aten brani no laran manas apostoliku. (Hatan)

2. Haraik ba ita nia Kreda ministru altar nian ne’ebe barak no santu. (Hatan)

3. Haraik ba sarani ida-idak hamlaha no hamrook ba Ita nia Futar Isin. (Hatan)

4. Haraik ba ema maksala ida hakarak atu konverte-an no husu perdaun. (Hatan)

5. Haraik ba ami hotu esperiensia konsolasaun nian hodi hatene no senti katak Ita Boot hadomi ami. (Hatan)

ORASAUN : Divinu Redentor, Paun loroloron nian, mundu nia moris, halo Ita nia Reinu too mai Na’i; Jezús Eukaristiku, Bibi-Atan Di’ak, hadook ami husi perigu; Jezús, Paun moris nian, ami nia Ai-han, Sakramentu Domin nian, salva ita-nia povu; Ami ksolok iha Ita-Boot, Jez ús Beatu. Amen ( Beatu João XXIII)

KANTU :

LEITURA BIBLIKA : João 6:51 ⁵¹Ha’u mak aihan moris nian ne’ebé tun mai housi lalehan. Ema ne’ebé han aihan ne’e, nia moris ba nafatin; no aihan ne’ebé Ha’u sei fó mak Ha’u nia isin, saran ba mundu nia moris.” (Pausa)

INVOKASAUN :

HATAN : Ami harohan, rona ami.

1. Hasobu ho Ita nia Krúz nia Kbiit kada divisaun no diskordia. (Hatan)

2. Hasobu ho Ita nia Futar Lia nia naroman kada babosok no ipokrizia. (Hatan)

3. Hasobu ho Ita nia Laran maus futar fuan nian kada hirus no vingansa. (Hatan)

4. Hasobu ho Ita nia laran midar Futar fuan nian kada egoizmu no laran toos. (Hatan)

5. Hasobu ho Ita nia kbiit kriativu kada violensa kontra vida umana. (Hatan)

ORASAUN : Na’i, hakbesik ha’u liutan ho Ita boot, tau Ita nia liman iha ha’u nia ulun no tulun ha’u at u tau ha’u nia ulun iha Ita liman. Simu ha’u nia an ho ha’u nia difeitu sira, ho ha’u nia sala hotu no halo ha’u sai tuir Ita nia hakarak no mos ha’u nia hakarak. Amen. (Papa João Paolo I )

KANTU : Ubi caritas et amor, Deus ibi est.

LEITURA BIBLIKA : João 6: 56-57 ⁵⁶Ema ne’ebé han Ha’u nia isin no hemu Ha’u nia ran horik iha Ha’u, no Ha’u horik iha nia. ⁵⁷Nudar Ha’u Aman ne’ebé moris haruka Ha’u mai, no Ha’u moris tamba Aman, nune’e mos ema ne’ebé han Ha’u, sei moris tamba Ha’u. (Pausa)

INVOKASAUN :

HATAN : Ami adora hodi hanai ba Ita Boot Jezús Kristu.

1. Ita Boot mak Aman Maromak nia Oan ne’ebe rohan laek. (Hatan)

2. Ita Boot mak Ida ne’ebe Aman Maromak haruka ba ami nia salvasaun. (Hatan)

3. Ita Boot deit mak mundu nia Maksoin. (Hatan)

4. Ita Boot mak Dalan, Lialos no Moris. (Hatan)

5. Ita Boot mak Paun moris nian husi lalehan. (Hatan)

ORASAUN : Na’i Jezús , ne’ebe fiel atu vizita no hakonu Ita-nia Kreda no istoria umanidade nian ho Ita nia presenza; hodi ita nia sakramentu Futar Isin no Ran ne’ebe halo ami partisipa iha Ita nia vida divina no senti haksolok agora ba Moris rohan laek, ami adora no hanai Ita Boot. Hakneak iha Ita Boot nia oin, moris nia hun , presente lolos iha ami leet, ami harohan atu loron ida ami sei moris nafatin iha komunaun ho Santisima Trindade . Amen. (Papa Bento XVI)

KANTU :

SILENSIU ba Adorasaun no orasaun pesoál

ORASAUN FINAL : Nai Maromak, iha Sakramentu kmanek ne’e, Ita Boot halo ami hanoin nafatin Ita nia terus no mate; tulun ami hahi-hanai Misteriu lulik Ita futar Isin no Ran nian, nune’e, ami hetan iha ami an kmanek tomak Ita nia misteriu redensaun.Ita Boot moris no ukun tinan ba tinan. Amen.

KANTU FINAL