Liturjia domingu ne’e nian konvida ita atu deskobre Kristu moris no moirs-hi’as ne’ebé akompaña ema sira iha dalan sira mundu nian; Kristu, ne’ebé ho Ninia Liafuan anima fuan kanek no dezanimadu sira, ne’ebé hatudu nafatin nia An bainhira komuidade dixípulu sira-nian halibur malu atu “silu paun”; liturjia mós apela atu dixípulu sira sai sasin moris-hi’as nian iha ema sira nia oin.

Iha Evanjellu, mak mensajen ne’e hatudu momoos. Iha testu ohin nian, ita haree Kristu moris-hi’as, la’o iha dixípulu sira nia sorin, esplika ba sira Eskritura, hakonu sira-nia fuan ho esperansa no tuur ho sira iha meza atu “silu-fahe paun”. Iha momentu ne’e mak dixípulu sira rekoñese Nia.

Iha leitura dahuluk hatudu (liuhusi Jezus nia istória) oinsá husi domin ne’ebé sai don ba Maromak no ba maun-alin sira, mosu mai resurreisaun no moris foun; no konvida komunidade Jezús nian atu fó sasin kona-ba realidade ne’e iha ema sira nia oin.

Leitura daruak konvida atu kontempla ho matan, atu haree Maromak nia projetu salvasaun, Maromak nia domin ba ema sira (hatudu iha Jezús nia krús no iha resurreisau). Hodi haree Maromak nia domin boot oinsá, ita aseita Ninia apelu ba moris foun.

Download