Retiru Alunu/a ETV- Mazzarello-Venilale

Venilale – Hahú ona semana santa, ami alunos ETV Mazzarello-Venilale molok halo ferias, hetan oportunidade atu prepara ami nia-an atu selebra ho di’ak Santa Pascoa nian, nune’e iha loron segunda feira dia 10/4/2017, padre João Gaspar SDB guia ami iha retiru furak ida ho hanoin sira ne’ebé tulun ba prepara-an ba festa boot ne’ebé besik atu mai. padre hahu reflesaun hodi hateten, ita tenke agradeee ba Maromak, ba moris ne’ebé Nia fó. La to’o de’it atu agradese ba buat di’ak maibemos ba esperiénsia ne’ebé ladun di’ak, tanba liu husi mata-been no esperiénsia terus nian mak ita bele deskobre Maromak iha ne’ebá. Agradece mos ba ema hirak ne’ebé tulun ita iha formasaun moris nian, no akompanña ita iha viajem espirituál nian.

Semana Santa mak tempu forte ne’ebé Santa kreda fó atu ita hanoin no reflete kona ba Jezús Nia terus, mate no moris hias. Pasajem Evanjellu Lucas 16:19-31. AI-KNANOIK EMA RIKU NO LAZARO.  Hare figura 3; Lázaro, Abrão no ema riku ne’ebé laiha naran. Ai-knanoik ne’e halo ita reflete realidade ema nia moris nian, iha riku no kiak. ‘Status’ ne’e fó impaktu ba ema no dala barak hatudu indiferensa entre ema.

• Ita nu’udar sarani, labele tau sees Maromak husi status rua ne’e
• Maromak kontinua tulun sira ne’ebé fiar metin.
• Evanjelista Saun Lucas hatudu mai ita fatin rua: Lalehan no Infernu
• Fundasaun mai ita atu ba to’o fatin hirak ne’e mak ho ita nia fiar no hahalok sira moris lor-loron nian.
• Nune’e hahalok saida de’it mak ita kuda iha ita nia moris mak sai hanesan sasukat ida iha loron ikus. Hodi deteremina fatin ne’ebé ita tenke to’o; tanba ne’e kuidadu ho ita nia hahalok, liafuan no buat hotu hasoru ema.
• Falta tau matan ba ita nia maluk bele lori ita ba infernu.
• Arrepende sempre mai ikus hanesan buat ne’ebé ema riku ne’e halo depois de nia mate, tanba simu ona terus barak mak nia foin arepende ba hahalok ne’ebé nia halo ona.
• Badinas kultiva iha ita nia-an buat di’ak hotu.

Iha reflesaun ikus nian, padre fó pergunta ruma nu’udar reflesaun pesoál atu prepara-an ba konfisaun.

• Saida mak halo ita dook husi Maromak?
• Ha’u nia hahalok saida mak halo hau dook husi Maromak?

Minutu ruma ba reflesaun hafoin hahu kedas konfesa no taka ho Selebrasaun Eucaristia.

Iha lokraik iha esperiénsia ida furak liu mak halo esperiénsia kona ba orasaun Taize nian, ne’ebé dirije husi madre Aurea.  Iha orasaun ne’e hodi repete iha hahanu sira tulun ami atu interioriza Jezús iha ami nia moris, Nia de’it mak sai ami nia forsa no kbiit tomak nia hun.

(Auxilia – Aluna Hotelaria 2)