Leitura sira Domingu ne’e nian propoin mai ita tema “naroman” nian hodi define esperiénsia sarani nu’udar “moris iha roman”.

Iha Evanjellu, Jezús aprezenta an nu’udar “mundu nia roman”; ninia misaun mak liberta ema sira husi nakukun egoízmu nian, foti-an nian no autosufisiénsia nian. Adere ba Jezús nia proposta katak tuir dalan liberdade no realizasaun nian ne’ebé lori ba moris nakonu. Husi Jezús nia asaun  moris Ema Foun.

Iha leitura daruak, Paulo propoin ba sarani sira Éfeso nian atu hili “naroman”. Iha konkretu, Paulo esplika katak moris iha “naroman” katak pratika Maromak nia obra sira (laran-di’ak, justisa no lialoos).

Leitura dahuluk la refere diretamente ba tema “naroman” nian. Maski nune’e, nia haktuir kona-ba Na’i ne’ebé hili David nu’udar liurai Israel nian no ninia unsaun. Leitura ne’e lori ita atu reflete kona-ba ita-nia unsaun iha loron Batizmu nian ne’ebé halo ita sai sasin Maromak nia “roman”  nian iha mundu.

Download