Maromak nia Liafuan ne’ebé ohin propoin mai ita afirma katak, ita-nia Maromak horik nafatin ho ita iha ita-nia dalan iha istória no Nia de’it mak oferese mai ita orizonte ida moris rohan-laek nian, realizasaun nakonu, ksolok.

Leitura dahuluk hatudu oinsá Jahwéh akompaña ebreu sira nia dalan iha rai-fuik maran Sinai nian no oinsá, iha momentu sira krize nian, hatán ba nesesidade sira nia Povu nian. Kuadru ne’e revela pedagojia Maromak nian no fó mai ita xave atu komprende Maromak nia lójika, hatudu iha ain-hakat ida-idak istória salvasaun nian.

Leitura daruak repete, ho liafuan seluk, hanorin husi leitura dahuluk: Maromak akompaña ninia Povu iha nia dalan iha istória; no maski salan no infidelidade, nia insiste atu oferese ba nia Povu – ho forma gratuita no inkondisionál – salvasaun.

Evanjellu mós la dook husi temátika ne’e… Nia garante ita katak, liuhusi Jezús, Maromak oferese ba ema ksolok. Ema ne’ebé simu Maromak nia don no aseita Jezús nu’udar “mundu nia maksoi’k” sai Ema Foun, ne’ebé moris iha Espíritu no la’o ba hasoru moris nakonu no definitivu.

Download