Sidade Vaticano – Prepara ba Solenidade Pentekostes nian no iha kontestu Tinan Fiar nia katekeze kona-ba Kredu, Papa Francisco dedika audiénsia kuarta nian ba Espíritu Santu nia asaun hodi gia ita ba Lialoos.

Nia dehan, “Iha Tinan Fiar nian ne’e ita husu ita-nia an se ita halo ona pasu ruma atu hatene liután Kristu no lialoos sira fiar nian, hodi lee no medita Sagrada Eskritura sira, estuda Katesizmu, hakbesik ho konstánsia ba Sakramentu sira.

[Asesu kópia ho lia-portugés]

Maibé tempu hanesan ita husu ita-nia an pasu saida mak ita foti daudaun atu ita-nia fiar mak dirije ita-nia ezisténsia tomak. Ita keta sai sarani ‘part-time”, iha momentu ruma, iha sirkunstánsia ruma, iha hilin ruma, ita sai sarani tempu tomak! Kristu nia lialoos, ne’ebé Espíritu Santu hanorin ita no fó mai ita, nafatin no beibeik envolve ita-ni amoris loroloron. Ita invoka Nia liután, atu gia ita iha Kristu nia eskolante sira nia dalan”.

Molok audiénsia Amu-Papa halo semo manu-pombu rua ne’ebé peregrinu sira aprezenta ba nia.
No iha di’alogu ho em alubun boot besik rihun atus ida iha kuarta ne’e, Papa Francisco husu sira atu harohan ba Espíritu Santu loroloron. “Imi sei halo ida-ne’e?” nia husu, no ema lubun boot hatán “sin”. Maski nune’e, Papa Francsico la kontente, no sehan tan: “Ha’u la rona imi!”, no ema lubun boot sira hakilar maka’as liután “SIN!”.