Venilale – Komunidade Madre Mazzarello Venilale halo abertura ba oratorio centro rua; Centro Venilale no Fatulia iha loron 26 fulan Fevereiro 2017. Oratoriano sira hamutuk maizumenus nain 200. Iha abertura ne’e ami organiza mos atividades sira hanesan: jogo foot ball, halai karung, dansa kadeira, enche be botilia, sama balao. Iha loron ne’e larabarik sira hotu sente haksolok tuir aktividades hira ne’e maske udang boot. Ikus mai atividades sira ne’e hotu ho fahe premio no merenda hamutuk hafoin sira fila ba uma.

Iha kraik ne’e projetu Oratorio nian:

Objetivu Geral: Oratorio fatin ksolok no edukativo hodi guia no akompaina ba foin-sae no labarik sira atu buras iha domin no iha fiar ba Maromak

Objetivu espesifiku: Liu husi fahe domin, ksolok no amizade loos iha oratorio lori malu hakbesik an ba Kristo.

Atu to’o ba objetivu oratorio nian liu husi atividade sira hanesan  tuir mai:

Grupu interese nian:

• Pinta/Desenho
• Lulun ai-funan
• Viola
• Ingles
• Alfabetizasaun

Atividade sira:

•  Enkontro animadores.
•  Animadores sira demostra/hanorin fali katekese
• Paseio no Jogo amizade ho oratorio iha fatin seluk.
• Festa oratorio hamutuk ho oratoriano sira seluk venilale nian

Formasaun sira:

• Katekese ba oratoriano sira domingo-domingo
• Formasaun ba animadores local fulan ida dala ida.
•  Formasaun ba animadres jonal, fulan 3 dala ida

Apostolado seluk iha oratorio:

• Vizita no reza iha oratoriano sira nia uma.
• Vizita moras, ferik katuas iha tempo forte.
• Konkretiza Laudato Si limpeza geral iha Mercado.

 

 

PLANO ATU KONKRETIZA ATIVIDADE SIRA ORATORIO NIAN

• Enkontro animadores kada Sabado semana nian.
• Animadores sira halo demo/hanorin fali katekese ba nia maluk animadores sira kada enkontru iha sabado nian.
• Paseio no Jogo amizade ho oratorio iha fatin seluk iha dia 13 de Agosto 2017
• Festa oratorio hamutuk ho oratoriano sira seluk venilale nian iha dia 8 de Desembro 2017

(Aurea Freitas)