Dili – Iha loron 12 Fevereiru komunidade Beata Eusebia loke fila fali oratorio iha Bairo Saun João Paulo II – B. Bairu ne’e oferese fatin furak ida atu halibur foin-sa’e no labarik sira, komunidade Husi rasik husu atu Irman sira ba loke oratoriu iha sira nia Bairo ho intensaun atu labarik no foin-sa’e sira la lakon tempu ba buat ne’ebe la di’ak iha  sira nia moris nune e liu husi oratorio sira bele apreende netik buat ruma. Loron dahuluk ne’ebé ami ba, Ir nain 6 hamutuk ho voluntaria(Almanha) Franziska, inan sira hahú haruka sira nia oan atu mai halimar ho ami no balun sira nian inan sira mak akompaña hela. Ami  hahú halimar ho labarik sira,kanta no konta istória, depoisde halimar ami halibur hamutuk  hodi rona liafuan Benvinda husi madre Olga  no  tempu hanesan agradese mos komunidade, labarik sira hamutuk 75, hafoin ami halo orasaun hamutuk hodi loke oratorio ne’e depoide orasaun ami hamutuk planu atu konvida labarik no foin-sa’e sira ba oratorio liu husi desfile ka “pawai”  ki’ik iha Domingu tuir mai. No madre dezafia labarik sira atu Domingo tuir mai  ema ida sei lori tan ema nain 5. Se mak halo tuir sei hetan premio.

Domingu 19 Fevereiru,tuku rua  ami hahú ba oratorio tanba planu atu halo desfile ki’ik,ami hamutuk ho animadora tuan sira pinta labarik sira nia oin,pinta letra no seluk halimar bola,salta tali no halimar hulahup; besik tuku tolu ho balun ami hahú lao  haleu Bairo rua ne’ebé besik Igreja, tuir dalan ami hotu haksolok hakilar kanta, ami nia sintimentu hanesan Dom Bosco ho ninia jovens sira ba vizita Mornese, hafoin ami fila fali ba fatin oratorio nian,

Labarik no foin-sa’e sira hamutuk na’in 175  halao atividade ne’e ho entuziasmu boot no la kole hodi kanta, hakilar Don Bosco nia naran no viva oratorio foun .Tuku haat ho balun halibur fila fali labarik no foinsae sira iha grupu,hafoin aprezenta animador no animadora  foun sira ba asembleia no hahú kedas tau naran ba interesting group. Hotu tiha tau naran  Ir. Ermelinda da Silva fo liafuan diak kona-ba evangelho loron nian ho tempu hanesan agradese inan aman sira nebe partisipa mos iha pawai kiik ne’e no komunidade sira ne’ebé tau matan ba fatin nee.Hafoin ami reza no ida idak fila ba nia uma.

(Aida Belita)