RV / Redasaun – Hili entre Maromak, ne’ebé la husik ita mo maromak rikusoin sira mak Amu-Papa ninia mensajen iha Angelus ohin nian, iha Prasa S. Pedro (Roma). Papa Francisco husu ba sarani sira atu konfia iha Maromak tanba nia mak Aman domin-na’in, ne’ebé nunka haluha ninia oan sira. No importante liu iha époka “orfandade” nian ohin loron.

“Imi labele serví Maromak no rikusoin”. Nune’e presiza halo hilin klaru ida:

“Na’i eh maromak sira ne’ebé dada ema maibé iluzóriu. Hilin ne’ebé ita simu bolun atu halo bele iha implikasaun iha ita-nia hahalok bwain sira, programa sira no empeñu sira. Ne’e mak hilin ida atu halo ho modu klaru no atu hafoun nafatin, tanba tentasaun atu redús buat hotu ba osan, prazér no podér maka’as tebes. Iha tentasaun barak ba buat ne’e”.

Amu-Papa ezorta atu sarani sira sente Maromak nu’udar Aman domin-na’in iha tempu orfandade ohin loron nian: konfia iha MAromak tanba Nia mak “Aman domin-na’in ida:, ne’ebé nunka haluha ninia oan sira no tau matan ba buat moris hotu ne’ebé hakiak, hanesan Jezús fó hanoin iha Evanjellu.Tanba ne’e mak Nia konvida ho insisténsia atu “ket apreokupa ho aban”. “ANsiedade ne’e tuir Amu-Papa “inutil”, tanba “la konsege muda diresaun eventu sira-nian”. Konfia iha Maromak, maski la rezolve problema sira ho modu májiku, permite atu enfrenta ho “espíritu justu”:

“Maromak la’ós ser ida dook no anónimu: nia mak ita-nia subar-fatin, bee-matan ba ita-nia hakmatek no ita-nia damen nian. Nia mak fatuk boot salvasaun nian, ne’ebé ita bele kaer metin iha serteza atu la monu; ema ne’ebé kaer metin Maromak nunka monu! Nia mak ita-nia defeza husi aat ne’ebé nafati hafuhu ita. Maromak mak belun boot mai ita, ita-nia aliadu, aman, maibé ita la konxiente…”.

Amu-Papa mós hateten katak, buka ho modu fadigadu rikusoin sira sai motivu ba moris lahó ksolok. Tanba ne’e mak Jezús fó regra fundamental id aba eskolante sira: buka uluknanai MAromak nia Reinu. Ne’e signifika katak realiza buat ne’ebé Nia haklaken iha Diskursu FOho nian, katak konfia iha Maromak ne’ebé la delude ita no sai “administradór fiel soin sira-nian” ne’ebé Nia haraik mai ita, “ida rai nian mós” maibé lahodi preokupa demais, hanesan fali buat hotu “depende de’it husi ita”.