Dili – Loron 21 Fevereiru loron ikus, Irmán Aurora Ramos Fenix halo parte iha enkontru konsellu inspetoriál, nu’udar ekónoma inspetoriál no konselleira provinsiál.

Molok husik konsellu, ekónoma inspetoriál aprezenta relatóriu finanseiru Inspetoria nian ba tinan 2016, hanesan tinan-tinan halo, no hato’o mós dalan ne’ebé Inspetoria TIN halo iha tinan ikus hirak ne’e, liga ho moris ekonomia no pobreza.

Nune’e, tuir Ir Aurora, Inspetoria FMA TIN halo dalan kreximentu iha aspetu responsabilidade ekonómika, iha-ne’ebé nia hateten katak maski iha komunidade ne’ebé menus iha rekursu, nia haburas mentalidade sustentabilidade nian, hodi halo buat ruma atu sustenta moris. Aspetu seluk ne’ebé marka dalan kreximentu ida-ne’e mak partilla soin nian. Ida-ne’e bele haree husi “versamento” ne’ebé komunidade ida-idak buka atu halo, tanba sentidu hola-parte ba Inspetoria. Se komunidade bele halo “versamento” maski income la iha eh income uitoan liu, ne’e katak, Irmán sira assume estilu moris ne’ebé esensiál no iha sobriedade. Aleinde ne’e, Ir Aurora mós subliña katak, Irmán sira sai buras iha kuidadu ba patrimóniu Institutu nian, eh ba ambiente sira ita-nia moris nian.

Subliña tiha elementu sira ne’ebé marka dala kreximentu iha ámbitu esponsabilidade ekonómika, Ira Aurora, espresa ninia agradesimentu ba Providénsia ne’ebé ita simu husi dadeer to’o kalan. Nia fó ezemplu kona-ba orfanatu rua ne’ebé nu’udar atividade sosiál, simu labarik kiak no oan-kiak sira ne’ebé la selu buat ida. Maibé komunidade rua ne’ebé tau matan ba orfanatu konsege sustenta an lahóo subsídiu husi Inspetoria no mós fó tan “versamento” ba Inspetoria. “Ida-ne’e milagre komuñaun nian”, nia salienta. Milagre komuñaun nian ne’e liuhusi komunidade sira ne’ebé, tanba atividade eh obra sira bele fó kuantidade “versamento”  signifikativu id aba Inspetoria, ne’ebé uza fali atu tulun komunidade ne’ebé la iha income no komunidade mundiál, liuhusi sentru eh “casa generalizia”.
Nia mós hato’o ninia admirasaun ba komunidade ki’ik sira hanesan Kailaku, Baucau, nst ne’ebé mós moris ba oin iha konfians aba Providénsia no iha sobriedade, hodi la husu subsídiu ba Inspetoria.

Hotu tiha Irmán Aurora ninia relatóriu no liafuan agradesimentu nian, Irmán konselleira sira seluk no Ir Alma, Inspetora, hato’o mós sira-nia agradesimentu ba Ir Aurora ninia servisu no disponibildade iha tinan sira nia sai ekónoma inspetoriál.

Irmán ne’ebé troka Ir Aurora Ramos mak Ir María Carmen Bravo, ne’ebé sai misionária iha Timor iha okaziaun jubileu prezensa FMA iha Timor ba tinan 25, katak iha 2013. Ir Carmen molok mai Timor, nia hala’o misaun iha Angola ba tinan sanulu, no nia hateten katak “Maromak prepara ba nia rai prometida iha Timor”.