Liturjia ohin nian garante ita katak Maromak soi projetu salvasaun atu ema bele to’o ba moris nakonu no propoin mai ita reflesaun ida kona-ba atitude ne’ebé ita tenke asume iha projetu ne’e nia oin.

Iha segunda leitura, Paulo aprezenta projetu makso’in Maromak nian (ne’ebé nia hanaran “Maromak nia matenek” eh “mistériu). Ne’e mak projetu ida Maromak prepara hori uluk kedas “ba sira ne’ebé hadomi Nia”. Ne’ebé haksumik ba ema sira nia matan, maibé Jezús Kristu mak hatudu sai ho ninia An rasik, Ninia liafuan sira, ninia jestu sira, liuliu ho Ninia mate iha krús (basá iha ne’ebá, iha don totál moris nian, mak hatudu sai sasukat Maromak nia domin nian no hatudu ba ema dalan ne’ebé lori ba realizasaun tomak).

Primeira leitura fó hanoin kona-ba ema ne’ebé livre atu hii entre proposta Maromak nian (ne’ebé lori ba ksolok) no autosufisiénsia ema nian (ne’ebé kuaze nafatin lori ba mate, desgrasa). Atu tulun ema ne’ebé hili moris, Maromak propoin “ukun-fuan sira”: “sinál sira” ne’ebé Maromak uza atu delimita dalan ne’ebé lori ba salvasaun.

Evanjellu kompleta reflesaun, hodi propoin atitude baze ne’ebé ema tenke iha hodi la’o tuir dalan ne’ebé “ukun-fuan sira” tau ninia baliza: la’ós kumpre regra esterna de’it, iha respeitu ba liafuan ida-adik hakerek iha lei; maibé asume atitude interiór loos adezaun nian ba Maromak  no ba Ninia proposta sira, haktuir iha moris konkretu loroloron nian.

Download