Dili – Ohin dia  28 de Janeiro 2017  Irman Sebastiana ho Irman  Esmeralda  aprezenta  mata dalan  polítika  ba preventivu atu proteje labarik ho menór idade ba  komunidade edukativa   hamutuk  51 peosoas.  Irmán Esmeralda hahú introdusaun badak, hodi loke enkontru hodi dehan, tanba sa mak prezisa  aprezenta tema ida-ne’e  hodi dehan:”  tanba tempu to’o ona  atu proteje ita nia labarik sira ne’ebé indefeza tanba sira kiik folin  laek  maibé sira mós ema hanesan ita  ne’ebé iha  fíziku, espíritu no mentál.

Tuir mai  irman  Sebastiana  aprezenta   kedas  intrudusaun  mata dalan  pólitika  ba preventivu atu proteje labarik ho menór idade ninia objetivu, hodi lee :”ami nia objetivu mak atu fó orientasaun di’ak ba ami nia edukador/a sira. Nune’e sira  bele tulun labarik feto ka mane sira, hodi hakarak promove ka  hala’o esperíencia edukativa ida-ne’ebé di’ak. Nune’e bele promove ho prosesu positivu no transparénsia ba sira-nia moris integral, hodi forma aplikasaun sistema preventivu ida, atu bele proteje labarik sira.

  Atu reforsa tan ba objetivu ida-ne’e  irman dehan,  tanba labarik sira mós iha direitu atu moris, iha direitu atu simu protesaun,  no direitu seluk tan, no nu’udar ema fiar nain,  ema, inklui labarik mós nu’udar  ilhas Maromak  nian no  iha lei kógidu Timor leste  mós  agora hahú  vigora  protesaun ba  labarik sira  husi deskriminasaun oioin,  nune’e ho tempu hanesan Instituto Filhas de Maria Auxiliadaora  iha Timor Leste hahú halo sosializasaun no implementa  lei ba protesaun ba labarik sira ho idade menór  hodi bazeia ba  karisma saleziana hodi haforsa husi  artigu 2, 3  husi konvensaun kona ba direitu labarik sira nian.

Tuir mai sira aprezenta politika no akompañamentu husi  Filhas de Maria Auxiliadora ninia konteudu hanesan tuir mai ne’e:

1. Proteje labarik sira iha prinsipiu 5.
2. Defeza nu’udar responsabilidade ema hotu nian.
3. Labarik sira nia direitu.
4. Abuzu psikolójiku/emosional
5. Abuzu seksual
6. Abuzu fíziku
7. Abandonu/ la tau matan
8. Influénsia husi media/la uza loloos.
9. Viajen ba liur
10. Natureza
11. Serivusu hamutuk
12. Responsabilidade husi membru sira hotu
13. Oinsa atu monitoriza polítika ho halo renovamentu
14. Ambiente kontestual
15. Lei protesaun ba labarik sira KPTL (Kódigu Penalti Timor leste)
16. Responsabilidade ba membru sira pesoál nian
17. Responsabilidade.
18. Avalia regulamentu polítika ba abuzu menór idade.

Depois de aprezentasaun hotu tiha, hodi hateke ba realidade eskola Maria Auxiliadora nian, irmán sira enfatiza liu tan  iha aspetu abuzu fíziku,  hanesan : baku, dada tilun, dada fuuk, tuku ulun-fatuk, tebe, tiru ho boraça, dudu, kastigu iha loron laran, hakneak…. Hodi dehan iha ita-nia rain Timor leste ho kultura ne’ebé forte dala ruma nu’udar  ema ita  la kontrola an, emosional liu,  nune’e fasil atu fó kastigu duke motiva, ka prevene molok akontese.

No mos esplika liu tan   kona-ba lei kódigu  ne’ebé proteje labarik ho menór  idade, no ema sira ne’ebé hola parte ba ekipa servisu hamutuk ne’e.

Momentu perguntas nian

Tuir mai mosu perguntas oioin husi parte edukadores sira kona-ba  polítika protesaun ida ne’e  hodi dehan: “oinsa ita bele eduka labarik sira ne’ebé, dala barak susar atu kontrola,  tanba sira hiper aktivu, no sai hanesan dezafiu  ida ba prosesu aprendizajem? Ho tempu hanesan eskola halo aprosimasaun oioin ba  inan aman sira, no inan aman balun konfirma ba edukadores sira hodi dehan, los duni,  labarik ida ne’e dehan la rona no nakar liu, mestra ka mestre sira bele  baku de’it ba, naran katak keta iha fatin mate nian, no inan aman balun, wanhira eskola bolu sira atu justifika kona-ba akompañamentu oan sira nian, sira la fó tempu atu halo  diálogu maibé baku diretamente iha ita nia oin?

Respostas

Hodi hatan ba perguntas no klarifikasaun hirak ne’e irmán sira dehan, dala ruma presiza haree didi’ak labarik ne’e se?,  ho ninia familia nia istória, hodi fó akompañamentu, no mós modelu seluk hanesan Dom Bosco ne’ebé halo, ho ”bisi bisi iha labarik ne’e nia tilun iha tempu libre”, halo dialogu ho nia, …” ida tan mak presiza vizita sira nia familia, no ikus nian, iha eskola boot  hanesan ne’e  presiza Bimbingan dan Konselling /psicologo, psikiater” ida.

Perguntas seluk mak oinsa kona-ba professores sira nia direitos? Inan aman balun ne’ebé laiha kompreesaun? Oinsa  kona-ba agresaun físiku hanesan ku’u dada tilun, ne’ebé la ho intensaun aat?…. perguntas barak mosu liliu konaba lei kódigu ne’ebé ladun intende di’ak.

Resposta  husi irm. Olga,  eskola Maria Auxiliadora iha  Manual eskola nian, professores sira tenki uza manual eskola nian nu’udar sistema preventivu ba labarik sira. No seluk tan mak  edukadores sira tenki prepara an  didi’ak  hanesan  Planu de aula,  esplika instrusaun molok halo pratika de aula, halo mós regulamentu iha klasse laran…, no ita-nia eskola laos eskola ne’ebé iha numeru boot iha klase laran, hanesan eskola seluk iha timor laran, ne’ebé susar atu kontrola, no tempu to’o  ona atu la uza sistema represivu.

No ikus nian remata  hodi husu atu esplika liutan  kona-ba KPTL (Kódigu Penalti Timor leste),  iha parte ida-ne’ebé mak dehan  wainhira kuu, dada tilun, ou asaun ruma ne’ebé  la ho intensaun aat maibé husik hela marka iha labarik sira?   Irman nain rua hatan iha Lei kódigu numero 155, no mós Sistema Preventu iha estilu edukasaun Salesiana nian la premete ba asaun hirak ne’e.

Enkontru ne’e  furak no interesante liu  tanba edukadores sira  partesipa maximum, maibé ne’e hanesan intrudusaun de’it prezisa aumenta tan tempu ruma atu bele hatur buat hotu iha fatin. Remata ho merenda oras tuku : 11: 45.

(Olga Belo fma)