Dili – Loron 27 Janeiru 2017  husi parte Ministério da Saúde husi Município Dom Aleixo mai  halo Imunizasaun ba estudantes 1⁰ ano ho tinan 6 iha EBC “MA” hamutuk ± 79.

Implementasaun ba  Programa Imunizasaun ida-ne’e nian mak atu  prevene labarilk sira husi moras Diptheria Tetanus(DT5)    no mós fó kontinuasaun ba programa Imunizasaun ne’ebé hahú ona husi  labarik wainhira sei semana 6 ne’ebé   hela, hahú halo ona Imunizasaun  Penta 1 no  OPV1 ka  Dipteria, pertussis, tetanus, Hepatitis B Polio, semana 10, semana 14, fulan 9 sarampu-rubella 1, fulan 18 sarampu rubella 2 no DPT4 no tinan 6(tama eskola) Tetanus Toxoid (TT) ho DT5.  Nune’e  Imunizasaun ida-ne’e realiza huis Ministério da Saúde  ho Ministério da Edukasaun hodi  iha nivel social hodi asigura povu liu liu ba labarik sira iha nivel eskola nian.

Nune’e liu tiha  loron sanulu hahú prosesu aprendizajem,  halo kedas  imunizasaun. Estudantes hotu prontu atu halo imunizasaun maski balun tauk oituan wainhira haree Seringa, maibé wainhira sira  haree kolega ida brani hahú se nia kabas atu halo injeksaun, haree katak kolega la tanis tanba la moras, nune’e sira ba rame-rame deit. Husi parte seluk ba  inan aman sira  mós la halo problema, kompara ho tinan kotuk, inan aman balun la kohi oan sira atu halo imunizasaun la hatene tanba razaun saida maibé tinan ida-ne’e wainhira taka avizu  kona-ba imunizasaun, aman inan sira hatan deit di’ak obrigada ba madre no minísterio ne’ebé kompetente . Nune’e bele  dehan katak  ita-nia ema sira, liu husi sosializasaun,  barak  hahú konxiente  ba saida mak di’ak ba sira nia oan sira. Eskola “MA”.

(Olga Belo fma)