Leitura sira domingu ne’e nian propoin mai ita reflesaun ida kona-ba “Reinu” no ninia lójika, ne’ebé kontráriu ho lójika mundu nian… Ita Maromak nia eskema sira, ema kiak, ema haraik an, sira ne’ebé aseita atu hamamuk an husi egoizmu, husi loko-an, husi interese rasik mak sira ne’ebé haksolok tebes duni. “Reinu” sira-nian.

Iha leitura dahuluk, profeta Sofonias denunsia ema riku no kbiit-na’in sira-nia orgullu no auto-sufisiénsia no konvida Maromak nia Povu atu konverte an ba pobreza. Ema “kiak” sira mak sira ne’ebé entrega an iha Maromak nia liman ho haraik-an no konfiansa, ne’ebé simu ho domin ninia proposta sira ne’ebé justu no solidáriu ho maun-alin sira.

Iha leitura daruak, Paulo denunsia ema sira ne’ebé tau esperansa no seguransa iha ema sira eh iha eskema umanu sira no asume atitude orgullu no auto-sufisiénsia nian; no konfida sarani sira atu hetan iha Kristu hedi iha krús matenek eh sabedouria loos nian ne’ebé lori ba salvasaun no moris nakonu.

Evanjellu aprezenta ‘magna-carta’ “Reinu” nian. Nia haklaken “rahun-di’ak” ba kiak sira, laran-maus sira, sira ne’ebé tanis, sira ne’ebé buka kumpre ho fidelidade Maromak nia vontade, tanba moris lójika “Reinu” nian; no hameno ba sarani sira mizerikórdia, sinseridade fuan nian, luta ba dame, perseveransa iha persegisaun nia oin: atitude sira-ne’e korresponde ho kompromisu ba “Reinu”.

Download