Liturjia domingu ne’e nian aprezenta mai ita projetu salvasaun no moris nakonu ne’ebé Maromak iha atu oferese ba mundu no ba ema sira: projetu “Reinu” nian.

Iha primeira leitura, profeta/poeta Isaías haklaken naroman ne’ebé Maromak sei halo  nabilan husi foho sira Galileia nian atu halo nakukun ne’ebé falun ema hotu prizioneiru mate nian, injustisa nian, terus nian, dezesperu nian.

Evanjellu deskreve promesa profétika nia realizasaun: Jezús mak roman ne’ebé hahú nabilan iha Galileia no propoin ba ema sira rai hotu nia Lia-Foun Di’ak kona-ba “Reinu” ne’ebé mai. Ba Jezús nia apelu, dixípulu sira hatán: sira mak destinatáriu dahuluk proposta nian no sasin ne’ebé simu knaar atu lori “Reinu” ba rai tomak.

Segunda leitura aprezenta komunidade eskolante sira ninia moris, ne’ebé haluha tiha Jezús no Ninia proposta. Paulo, apóstolu, husu maka’as sarani sira atu deskobre filafali fundamentu sira-nia fiar nian no kompromisu sira asume iha loron batizmu nian.

Download