Liturjia domingu ne’e nian koloka kestaun vokasaun nian; no konvida ita atu situa vokasaun iha kontestu projetu Maromak nian ba ema no ba mundu. Maromak iha projetu moris nakonu nian atu oferese ba ema; no hili ema sira atu sai sasin projetu ne’e nian iha istória no iha tempu.

Primeira leitura aprezenta mai ita personajen misterioza ida – Atan Jahwéh nian – ne’ebé Maromak hili husi kedas nia inan nia knotak, atu sai sinál iha mundu no lori ba povu tomak Liafoun Di’ak Maromak nia projetu libertadór nian.

Segunda leitura aprezenta Paulo nia bolun, atu fó hanoin ba sarani sira sidade Corinto nian katak sira hotu “simu bolun ba santidade” – katak moris iha kompromisu ba valór sira Reinu nian.

Evanjellu aprezenta mai ita Jezús, “Maromak nia Bibi-Oan ne’ebé kasu mundu nia salan”. Nia mak Maromak ne’ebé mai hasoru ita; Nia simu misaun husi Aman no misaun ne’e mak liberta ema husi salan ne’ebé hanehan ema sira no la husik sira hetan moris nakonu.

Download