Haksolok hamutuk …

Dili – Serbisu…serbisu….la sente katak tinan besik remata ona no atu taka tinan tomak serbisu nian, ita nia trabalhadores sira husi uma tolu: Provinsial, Novisiadu, Divina Providensia, sira halibur hamutuk iha Centro Formasaun João Paulo II hodi halo jogus hamutuk, ohin dader.

Wainhira me. Alma hato’o ninia liafuan, madre agradese ba trabalhadores sira ida-idak ninia kolaborasaun no serbisu ne’ebé fó tulun no buat hotu bele sai diak. Trabalhadores ida-idak mos simu kalendario Maria Auxiliadora nian husi me. Alma, ne’ebé  akompanha ho liafuan husi madre “Kalendario ho imajem Na’in Feto, fó hanoin katak Na’in Feto akompanha nafatin imi no imi nia familia iha imi moris lor-loron nian”.

Programa semplis deit, hahu ho jogus ho regolamento katak se mak manan bele foti nomor atu simu premiu, maibé tan laran sadia… ikus mai hotu-hotu hetan premiu. Hotu tiha jogus kontinua ho merenda hamutuk no fahe malu.

Hotu haksolok hamutuk husik kole serbisu iha tinan ida ne’e ninian no ho entusiasmu hahu la’o ba tinan foun ne’ebé sei mai daudaun.

(Veronika Kusnadi)