Ita remata ona festa mundiál agradesimentu nian, ne’ebé iha tinan ne’e ita selebra iha Chennai (INM) atu halo memória tinan 90 prezensa FMA nian iha ai ne’ebé riku ho valór umani, kulturál no espirituál.

Ha’u sente iha fuan nesesidade atu esprime ha’u-nia obrigada kle’an ba Figlia di Maria Ausiliatrice ida-idak, ba Reitór-Mor padre Pascual Chávez Villanueva, ne’bé sai prezente liuhusi Konselleiru rejinál padre Maria Arokiam Kanaga, ba membru oioin grupu Família Saleziana nian, na kolaboradór/a leigu/a sira, ba foin-sa’e feto no mane sira ne’ebé ha’u hasoru, ba ema hotu ho knaar oioin ne’ebé prepara ho modu exelente no kualifikadu enkontru anuál ne’e’.

Ha’u agradese ho modu partikulár provinsiál irmán Magnificat Soosai ne’ebé hatene envolve ema sura-laek husi idade no background oioin, ida de’it iha sensibilidade komún ne’ebé esprime iha ninia rikusoin interiór liuhusi sinál sira, orasaun sira, dansa furak sira.
Ha’u bele nota, dal ida tan, kbiit karizma salezianu nian ne’ebé nunka maran. Festa agradesimentu nian mak espresaun signifikativa espíritu família nian ne’ebé karakteriza ita iha Kreda no iha realidade sosiál.

Tema ne’ebé hili ba festa: Hamutuk iha fiar ita la’o ba moris nakonu encolve Institutu tomak no hametin ita-nia Família boot nia unidade. Eventu ne’e tulun ita atu moris Tinan Fiar nian iha atitude ida agradesimentu foun ba Maromak no ba ema sira ne’ebé ho entuziazmu, konvinsaun no haka’as an mantein paixau ba da mihi animas cetera tolle moris iha Kontinente lima.

Ha’u hakarak atu imi hotu atu esperiénsia ne’ebé ita moris ho partisipasaun boot kontinua iha ema ida-idak nia moris no iha komunidade edukativa ida-idak nia moris. Liuliu atu foin-sa’e feto no mane sira bele respira “áe” esperansa nian, konfiansa nian, otimizmu nian hasoru futuru no hetan iha enkontru ho Jezús aten-barani atu joga sira-nia moris ba ideál boboot, hanesan Papa Francisco husu.

Ha’u agradese, hodi Irmán Konselleira jerál sira-nia naran mós Ringrazio, ba sinál sira solidariedade no komuñaun nian fó ho laran-luak nu’udar apoiu ba misaun iha Sri Lanka Provínsia S. Tomé Apóstolu nian no ba nesesidade sura-laek no urjente sira Institutu nian.

Loron 24 Maiu ha’u sei bá Torino no entrega ba Maria Ausiliadora ha’u nia obrigada atu Nia mak hato’o ba imi  ho modu nabilan no kle’an, hanesan imi-nia jestu gratidaun no solidariedade nian.

Gratidaun, orasaun no augúriu ksolok nian! Ho liafuan sira-ne’e, ha’u hakarak agradese ema ida-idak no komunidade ida-idak ba mensajen sura-laek ne’ebé ha’u simu. Maromak haraik benasan ba imi!

Roma, 1 Maiu 2013

Ir. Yvonne Reungoat fma