Haburas talentu tempu hanesan haburas domin ba moris.

Venilale – Ohin, 21/12/2016, Pre- Aspirante na’in haat (Zana, Tari, Lucy no Laura) hamutuk ho Aspirante na’in lima, (Ade, Agus, Lita, Natalia no Silvia)  halo konsertu musikál Natal no Tinan foun nian iha Komunidade Maria Auxiliadora – Venilale. Atu dehan katak sira nia preparasaun simples, neineik no  la ansia maibé tanba sira bele ho buat oituan ne’ebé sira iha, ikus mai mehi sai realidade, iha ne’ebé sira ida-idak toka, tuir buat ne’ebé sira aprende, ho ninia instrumentu músika mak:  Organ, viola no flauta. la to’o deit uza instrumentu hirak ne’e maibé sira mós lao hamutuk ho grupu koru ne’ebé ikus mai halo nota ida-idak sai armonia ho ema nia lian kapás tebtebes.

konsertu ida ne’e ninia objetivu mak nu’udar sarani ne’ebé di’ak, lamesak atu sente Natal ida ne’e ninia furak  maibé hamutuk iha espíritu ida deit  ho ema hotu ne’ebé moras no ba sira ne’ebé la hetan oportunidade atu partisipa iha festa Natal tinan ida ne’e, liu husi ami nia  hakas-an hodi oferese músika Natal lori domin, ksolok, paz no damen bele to’o mós iha sira ida-idak nia fuan.

Músika hirak ne’ebé ami toka no kanta iha konsertu ne’e mak;

• O holy night (Toka organ, viola no flauta. Husi: Sr. Olvi, Sr. Agata no Mana Klara)
• Natal lori domin (toka Viola)
• Kosok Oan Maksoin moris iha Belein (Trio musical)
• Rai tomak mai hananu (Toka organ)
• Iha raiklaran nakonu ho damen, tan ne’e Na’i damen nain horik iha ita le’et (Toka organ)
• Haklaken ba mundu kona-ba Maromak nia glória nabilan iha ita le’et (Toka flauta)
• Tempu to’o ona atu manifesta sentidu gratidaun hodi fó adeus ba tinan tuan no bemvindu ba tinan foun 2017 nian ne’ebé nakonu ho esperansa. (Toka Organ)

Ikus ami nia mensagen, ami empresta Madre Provinsiál, Me. Alma Castagna nia liafuan liu husi kartu Natal nian hodi komprimenta Madre sira no ba ema ne’ebé  hola parte iha konsertu musikál ho liafuan ne’ebé dehan; “Na’i  halo-an ba Mane, lori domin ida ne’e iha ema hotu nia fuan” se ita hadomi malu, loron-loron sei sai Natal. Ne’e mak Me. Alma Provinsiál TIN nia deseju ba nia oan sira hotu. Ami fiar katak liu husi haburas talentu ida ne’e, ami nia ksolok sei to’o mós iha Ita boot sira.

Natal kmanek ba imi hotu!

(Agata Freitas)