Dili – Iha enkontru Pastoral Konjunta FMA-SDB, Delegadu Pe. Manuel Pinto, SDB  ho ninia ekipa SDB na’in hitu, hamutuk  Ekipa Pastorál Juvenil FMA nian, na’in haat halo sira-nia enkontru iha Casa Provincial FMA sira nian, iha loron 15 fulan Dezembru lokraik oras tuku 15.00 too oras tuku 17.00. Enkontru ne’e hahú ho orasaun ne’ebé prepara husi FMA sira.

Asuntu sira ne’ebé trata iha enkontru ne’e, uluknanai  halo avaliasaun  breve  kona-ba Formasaun Animadores iha zona haat (Zona 1: Dili no Maliana; Zona 2: Baucau, Fatumaka no Venilale; Zona 3: Laga no Quelicai; Zona 4: Lospalos no Fuiloro) ne’ebé hala’o ona dala tolu iha tinan ne’e no rezulta katak formasaun  iha zona balun tuir tempu no la’o ho di’ak aupasuké zona seluk la dun tuir tempu ne’ebé  estabelese tiha ona, no haree mós personájen ne’ebé fó formasaun (formadór/a). Nune’e ekipa hanoin atu fó atensaun no estabele tempu tuir zona ida-idak ninia disponibilidade.

Hafoin, sira estuda hamutuk atu determina kona-ba tema sira ba:

1. Katekeze tinan 2017 nian ho Tema: “Familia no Eukaristia”. Sei hahú haruka iha fin de Janeiru.
2. Formasaun zonál ba Animadores sei halo trimestral katak iha fulan Marsu, Julho no Setembru, ho tema sira tuirmai:“Familia no Eukaristia”;  Estreia Reitor Mor nian   Esperiensia Orasaun Haruka material formativas ba animadores. Tema husi proposta 10 Reitor Mor nia Estreia no mós Proposta Materiál Formativu em preparasaun ba “Asian Youth Day” nian no Reitor Mor nia Vizita iha 2018. Sei haruka ba komunidade sira iha nível lokál, fulan ida dala ida.
3. Haruka materiál “Lectio Divina” ba Retiro hamutuk (SDB, FMA, Animadór….) iha tempu forte.

Pesoál referente ba elabora  katekesi  mak Me. Simoa Correia, FMA no Pe. Silvano, SDB.

Ekipa responsável ba Formasaun Animadores  zonál  no prepara material formativas  hodi haruka ba komunidade lokál, mak  Me. Arménia Simão, FMA;  Pe. Alarico, SDB;  Pe. João Boavida, SDB  no Pe. Silvano, SDB.

Resposável prepara material “Lectio” ba retido iha tempu forte (Kuarezma no Adventu) – Pe. Manuel, SDB no  Me. Floriana, FMA.

Referénsia material husi Biblia, Katekeze Kreda Katólika, Doc. Amoris Laetitia, Misericordiae et Misera no Evangelum Gaudium.

Kona-ba loron ba formasaun zonál nian, sei determina hamutuk ho komundade lokál no zonál.

 

Husi ekipa PJ