Dili – Iha loron 13 Dezembru 2016, aluno/a graduado sira hamutuk 85, feto 66, mane 19  ne’ebe  simu Sertifikadu iha Sentru Formasaun Balide. hetan alunos sira hetan Formasaun durante tinan ida nia laran ba Area Administrasaun nian.

 Sentru de Formasaun ne’e foin mak hetan aprovasaun ba  akreditasaun husi Governo Timor Leste ba Sertifikadu I & II Administrasaun Jeral ne’ebe bele atinji iha loron ne’e.

Partisipa iha seremonio graduasaun nee, Sua exelensia  Secretario Estado da SEPFOPE, Sr. lidio da Costa Ximenes, Madre Provinsial Timor Indonesia nudar Directora Jeral do Curso, Madre Alma Castagna FMA, Reprezentante INDMO, Sr. Amandio Belo, Director/a sira kada Ministerio hamutuk ho inan aman graduado sira nian ne’ebe ho laran tomak haksolok hamutuk ho aluno sira iha loron ne’e.

Diskursu badak ne’ebe hatoo husi Sr. Ilidio da Costa Ximenes ba foinsae 85 nee ho liafuan signifikativu no korajen ba sira mak: imi foinsae sira mak naroman no Futuro ba nasaun Timor Leste.  Ohin loron ema labuka matenek maibe ema buka liu oinsa fo an atu serbisu ou uza skill ne’ebe ida-idak iha. Nia mos fo ona hanoin ba emprezario sira atu uza aluno sira nia kapasidade husi Sentru Formasaun sira ne’ebe produz ona foinsae barak iha area oin-oin. Ba graduado sira latoo deit atu hetan Sertifikadu maibe nafatin hakaas an atu uza matenek ne’ebe imi hetan iha Sentru ne’e ba imi nia futuru aban bairua.

Husi parte INDMO  Sr. Amandio Belo hatoo ba graduado sira katak parte INDMO suporta alunos sira atu atinji sira nia mehi ba Sertifikadu Nasional tuir area ne’ebe iha liu-liu bazia ba kualifikasaun ne’ebe INDMO oferese.

Madre Alma mos hatoo lia badak ba graduado sira katak keta kontente deit ho hatais furak no Sertifikadu ne’ebe imi hetan iha loron ne’e, maibe buka impleta matenek ne’ebe iha hodi dezenvolve Nasaun , Familia no ema hotu ne’ebe imi hasoru.

Ikus nia mos fo hanoin katak  graduado sira otomatikamente sai Antigos/ as alunos Salesiana. Madre sira nia odamatan nafatin nakloke ba imi hotu.

Seremonia ikus nian taka ho merenda hamutuk ba ksolok ne’ebe ohin sira hetan.

(Ines Freitas)