Husi irmán CarolinaFMA

Sarawak (Malasia) – Husi loron 26 Abríl to’o loron 2 Maiu, irmán Carolina, irmán Alma, Josefina, no delegadu/a seluk Timor-Leste nian atende konferénsia ida kona-ba Métodu Ovulasaun Billing ka Billings Ovulation Method iha Sarawak, Malasia. Enkontru ne’e WOOMB (World Organization Ovulation Method Billings) Internasionál ne’ebé iha sede iha Melbourne (Australia) mak organiza, atu selebra tinan 60 Métodu Billings nia moris nian. Enkontru fahe ba parte rua: 1) Konferénsia kona-ba Métodu husi loron 26-28 Abríl; 2) Teacher Training husi loron 29 Abríl to’o 2 Maiu 2013.

Ba Konferénsia Métodu Billing iha partisipante sira hamutuk ema na’in 278, husi nasaun 23: Australia, Bangladesh, Brazil, Canada, Chile, China, France, Hong kong, Indonesia, Ireland, Myanmar, New Zealand, Pakistan, Papua New Guinea, Philippines, Malaysia, Singapore, Tanzania,Thailand, Timor Leste, UK , USA no Vietnam. Marka mós prezensa Pe. Joseph Hattie OMI, direitór Espirituál  WOOMB Internasionál husi Canada, Pe. Joseph  Chai OMI,  Direitór Espirituál Planeamentu Familiár Métodu Ovulasaun Billings iha Malasia.

Partisipantes husi Timor-Leste na’in 11. Entre sira-ne’ Amlulik na’in 3, madre na’in 2. Partisipante sira ne’e balun turi de’it Konferénsia no balun tuir de’it teacher training.

Speaker sira mak tuir mai ne’e:

1. Prof. Pilar Vigil Portales, MD, PhD  husi Chile – prezidente Teen STAR International  ho tema: “ Awareness constitutes fundamental knowledge for every woman and is an important tool for health professionals.
2. Dr. Chan Lek-Lim  – Prezidente Planeamentu Familiár Métodu Ovulasaun Billings iha Malaysia – ko’alia kona-ba: Natural Family Planning is not just about avoiding pregnancy.
3. Grace Chan on behalf of Alice Wong, Family Service of Caritas  Hong kong koalia kona-ba Avoiding Pregnancy.
4. Dr. Elena Giancchi aprezenta husi Dr. Mary Walsh kona-ba : Monitorization of reproductive health.
5. Damien Sawyer no Damien Burger husi Australia: Fertility /Pinpoint.
6. Pe. Joseph Chai , OMI Malaysia: Metodu Ovulasaun Billings no Moris Família, tuir Kreda nia hanorin.
7. Dr. Josep no Sra. Cushia Hassan husi New Zealand: Métodu Ovulasaun Billings “iha Futuru “.

Iha mós partisipante husi nasaun balun ne’ebé hato’o availasaun badak durante minutu 5 kona-ba servisu BOM (Billings Ovulation Method) no sasin husi nasaun 4 kona-ba utilizasaun métodu ida-ne’e. Husi nasaun Timor-Leste  Ir. Carolina FMA mak aprezenta esperiénsia iha klínika Maria Auxiliadora Venilale no esperiénsia Ir. Lucia Ssps nian iha Dili.

Partisipante Teacher Training ema nain 160 , husi nasaun 23 . Amlulik nain 8, Madre sira na’in 8. Teacher training ne’e nia objetivu mak fó formasaun kle’an liután kona-ba Saúde reprodutiva ho perspetiva integrál. Durante treinu ne’e sira mós hetaninput kona-ba “programa seksualidade kristán iha eskola sira”.

“Ha’u haksolok tebes partisipa konferensia no treinu kona ba Metodu Ovulasaun Billings. Tanba husi esperiénsia ne’ebé halo ho profesór sira liuliu kona-ba siénsia médika no  filozofia isin nian, ho doutór sira no mós maluk sira hotu ne’ebé fahe sira-nia esperiénsia iha kampu, aumenta liután hau-nia skills no kapasidade atu hasoru família sira no ema hotu ne’ebé ha’u sei hasoru iha servisu-fatin ho lara- metin no dedikasaun tomak , ho responsabilidade no DOMIN. Ha’u labele atualiza/update ba buat hirak ne’e se la iha apoiu husi provinsiál no konseleira sira hotu no husi ha’u- nia irma sira iha komunidade, liu-liu ba doadór sira iha Austrália (ASMOAF). Nune’e, ha’u hato’o hau-nia agradesimentu ba ema hotu ne’ebé suporta ha’u: irmán Paola Battagliola, FMA no nia konselleira sira, irmán Olga Belo no irmáa sira iha Komunidade Madre Mazzarello no Doadór sira husi Australia liuhusi ASMOAF c/o Br. Michael Lynch, SDB . OBRIGADA BA IMI HOTU. MAROMAK MAK SELU BUAT HOTU!”