RV – Papa Francisco hahú iha kuarta, 7 Dezembru, siklu ida katekeze nian dedika ba esperansa sarani. Nia enfatiza katak iha aat wain nia oin ne’ebé halo nia lakon esperansa no kbiit-laek, ema presiza esperansa

“Maromak, ho Ninia domin, la’o ho ita, la husik ita mesak; Na’i Jezús manán buat aat no loke mai ita dalan moris nian, Ha’u hein tanba Maromak la’o ho ha’u”.

Download

Hodi konvida sarani sira atu reflete kona-ba esperansa, Amu-Papa lee liafuan sira Isaías nian, Profeta boot tempu Adventu nian, ne’ebé dirije ba povu anúnsiuida konsolasaun nian. Amu-Papa esplika katak Maromak konsola hodi temi konosoladór sira, ba sira Nia husu atu halo povu hakmatek no haklaekn katak sira-nia susar no terus remata ona no katak sira-nia salan hetan perdaun ona: ne’e mak fó hikas kura ba fuan ne’ebé terus no ta’uk. Tanba ne’e Profeta husu atu prepara Na’i nia dalan, hodi loke an ba Ninia don sira salvasaun nian.

Papa Francisco esplika katak, ba povu ne’ebé iha ezíliu iha Babilónia, konsolasaun hahú ho posibilidade atu hakat rai-fuik ho lurón di’ak ida, lahó rai-kuak no foho sira, no fila hikas ba sira-nia patria. “Prepara lurón ne’e katak prepara dalan ida salvasaun nno libertasaun nian husi obstákulu no impedimentu hotu”.

Ezíliu mak momentu dramátiku ida iha istória Israel nian; povu lakon buat hotu: pátria, liberdade, dignidade no konfiansa iha Maromak. Nia sente abandonadu no  lahó esperansa, bainhira Profeta nia liafuan loke hikas fali nia fuan ba fiar.

“Rai-fuik mak fatin difisil atu moris, maibé husi ohin, sei posivel la’o, fila hikas ba pátria, fila hikas ba Maromak; no prinsipalmente hein no hamnasa. Buat dahuluk ne’ebé akontese mho ema ne’ebé haketak an husi Maromak mak lakon hamnasa (sorriso). Dala ruma ema sira ne’e iha kbiit atu hamnasa boot, maibé falta ‘sorriso’. Esperansa de’it mak fó sorriso”, Amu-Papa hatutan.

Papa Francisco mó sdestaka tan katak moris dalabarak rai-fuik ida, difisil atu hodi la’o, maibé se iha kondfiansa iha Maromak bele sai furak no luan, hanesan avenida ida. Natón de’it nunka lakon esperansa no kontinua fiar, nafatin, maski buat hotu oinseluk.

“Sá de’it rai-fuik ita-nia moris nian, se ita husik atu ema hanorin esperansa, nia sei nakfilak iha jardín nafunan”.