Dili – Ohin, 1 Dezembru 2016, Inspetoria FMA TIN halibur hamutuk: Irmans, leigus/as hamutuk 59 pessoas ne’ebé partisipa iha programasaun 2017 nian iha Comoro João Paulo II.

Programasaun 2017 nian ne’e loke ho liafuan badak husi Me.Alma Castagna, nu’udar  Provinsial TIN, hahu ho liafuan ne’ebé dehan: ita iha ne’e nu’udar komunidade lokal ne’ebé halibur hamutuk ne’ebé halo ona dalan no marka ona pasu ho ema hotu.

Me. Alma mós foti fraze Evanjellu Luk 12: 54 ne’ebé Jesus rasik dehan “imi hatene siik buat hotu ne’ebé mosu iha lalehan no iha rai”. Nune’e iha ita nia programasaun ida ne’e, ita hakarak lao hamutuk ho uma Kreda, Instituto iha dalan ne’ebé ita halo ona no lao ba oin hodi halo programasaun hamutuk, ne’e mak halo ita sai ida deit hodi lao ba oin ho diresaun ne’ebé lo’os. Foti Maromak nu’udar modelu, ne’ebé nafatin sai objetivu ida hodi lori labarik no foinsa’e sira to’o hasoru Jezús. Iha novena Imaculada nian ida ne’e ita entrega ita nia serbisu hotu iha Nia liman no abandona-an hanesan Maria maske la komprende didi’ak buat ne’ebé Maromak hakarak husi nia, hatan Sin, Ha’u konfia, ha’u hakarak Maromak nia Espíritu gia ha’u”.  nune’e mai ita halo tuir Maromak nia hakarak  iha ita nia moris lorloron. Hotu tiha liafuan badak husi Me. Alma hahu kedas ho orasaun abertura ba programasaun 2017.

               Depoizde de orasaun Me. Jacinta Gusmão aprezenta kedas kona ba projeitu sira ne’ebé tinan kotuk nian ne’ebé hala’o no mós la hala’o ho ninia sujestaun sira tuir proposta ne’ebé iha.

Projetu tinan kotuk 2016 nian:

• Nakfilak-an liu husi enkontru
• Hamutuk ho foinsa’e sira
• Misionaria sira esperansa no ksolok nian

Aktividades sira ne’ebé dala barak komunidade sira enfrenta tuir situasaun ida-idak nian ne’ebé la hanesan, tan ne’e balun hala’o no balun la konsege halo tan motivu oioin ne’ebé mosu iha komunidade lokal sira.

Hotu tiha aprezentasaun husi Me. Jacinta Gusmão loke kedas perguntas ba grupu sira atu fahe no reflete iha grupu laran konabá obstakulu / difikuldades sira ne’ebé hasoru iha komunidade ida-idak ne’ebé la realiza iha tinan ne’e nia laran.

(Agata Freitas)