RV – Fó konsellu di’ak no hanorin ema ignorante mak obra mizerikórdia espirituál rua ne’eb’e Amu-Papa hato’o iha ninia katekeze kuarta, 23 Novembru, halo iha Aula Paulo VI.

“Ita hanoin porezemplu, iha labarik sira ne’ebé sei analfabeta, falta instrusaun. Ne;a mak kondisaun ida injustisa boot  nian, ne’ebé hakaenk ema nia dignidade. Lahó instrusaun, ema sira fasil sai alvu ba esplorasaun no forma oioin emarjinasaun sosiál”.

Iha sékulu barak, Igreja nafatin kompromete an iha kampu ida-ne’e, hodi eduka ba valór umanu sira, basá nia fiar katak instrusaun mak loloos forma espesiál ida evanjelizasaun nian. Amu-Papa husus ba sarani sira basa liman id aba amlulik barak, konsagradu no konsagrada sira no leigu/a sira ne’ebé dedika vida ba edukasaun no intrusaun labarik no foin-sa’e sira-nian.

Konsellu

Fó konsellu di’ak, katak buka ajuda ema konfuza, indesiza, duvidoza, atu supera laran-tarisu no lahakmatek ne’ebé ninia dúvida sira provoka atu mosu. “Espresa mizerikórdia ba inseguru sira hanesan hakmaan terus no sofrimentu ne’ebé mai husi ta’uk no laran-taridu nu’udar konsekuénsia dúvida nian. Ne’emak hahalok ida domin loos nian iha-ne’ebé hakmaan no apoia ema iha frajilidade ninia inserteza no ezitasaun”.

Kona-ba dúvida sira fiar nian, Amu-Papa hateten katak sir abele sai sinál atu hatene di’ak liután Maromak no mistériu ninia domin nian ba umanidade. Iha sentidu ne’e lori atu hakle’an fiar. “Iha kazu hotu, bele supera dúvida sira. Ba ne’e presiza rona MAromak nia Liafuan no komprende saida mak nia hanorin mai ita, liuliu katekeze”.

Dúvida halo sai buras

“Ita la halo fiar sai teoria abstrata ida, iha-ne’ebé dúvida sira sai barak, maibé moris ida, hodi buka tau iha prátika iha servisu ba maun-alin sira, liuliu sira ne’ebé presiza liu. Entaun dúvida hotu dezaparese, tanba ita sente Maromak nia prezensa no lia-loos EVanjellu nian iha domin, ne;ebé lahó méritu husi ita-nia parte, horik iha ita no ita fahe ho ema seluk”.

Iha konkluzaun Papa Francisco destaka katak obra rua mizerikórdia nian ne’e la dook husi moris loroloron nian no ema ida-idak bele kompromete an atu moris tuir no tau iha prátika Na’I nia Liafuan hodi dehan katak Maromak nia mistériu domin nian la hatudu ba ema matenek no intelijente maibé ba ema ki’ik sira.

“Hanorin kle’an liu ne’ebé ita simu bolun atu tranzmite no serteze segura liu atu sai husi dúvida mak Maromak nia domin, ida hodi hadomi ita: domin boot ida, gratuitu no fó ba nafatin”.