Dili – Durante fulan Outubro aktividades ida iha eskola Maria Auxiliadora nian mak estudante sira  fahe sira  nia osan  merenda hodi halo esmola ho intensaun atu hanoin ba Obras  Pontificio Missionaria  no tulun ema seluk ne’ebé kiak liu sira.  Nune’e  estudantes  sira ne’ebé hola  parte ba  grupo Infância Missionaria  kaer responsavel hodi passa caixa esmola husi klasse ba klasse loron loron durante fulan Outubro husi dia 1 to’o dia  22 de Outubro, asaun ne’ebé sai ona nu’udar tradisaun eskola MA nian.     Nune’e  iha dia 18 de Novembro  grupo infância Missionarai sira loke Caixa no grupo ne’ebé hetan montante boot mak  simu korao Liurai feto  rai Missaun nian ho ninia oan sira ba tinan 2016.  Osan  ne’e sei uza hodi fahe ba parte rua, sorin ba POM sorin atu ajuda estudante sira  ne’ebé  labele selu eskola no mós kontinua vizita familia sira  ne’ebé presiza ajuda liuliu husi eskola Maria Auxilidora ka  Bairro ne’ebé  haleu eskola no Parokia. Tinan uluk sira nia osmola tulun harii kapela kiik ida iha estasaun missionaria Parokia Comoro nian no mós selu-seluk tan.

Nune’e grupo ne’ebé  hetan montante boot husi sira nia esmola mak estudante sira husi  1⁰ Ciclo ka Segundo Ano.  Ba sira nia laran-luak no oferese  osan kiik ne’ebé sira iha konstante ikus mai sira hetan primeio nu’udar  Estatua Na’i Feto nian ne’ebé sei horik ho sira iha turma laran, durante tinan tomak no kada estudante simu prezente imajem Maria Auxiliadora nian.

Wainhira loke caixa haree katak estudante  husi 2⁰ ano  hetan primeiro lugar ba tinan rua ona  nune’e irmán Olga halo intervista ho professor da Turma hodi husu, “liafuan di’ak saida mak professor dehan ba estudante sira hodi halo sira laran-luak tebes”?  Professora hatan :”  ha’u loron-loron   motiva sira  nafatin iha dader-dader wainhira halo tiha orasaun hodi dehan ba sira:  ita hotu mesak ki’ak maibé iha ema balun ne’ebé kiak liu ita, no susar liu ita, wainhira ita laran-luak  aban bain rua sei karik ita iha susar laran Maromak sei la  haluha ita hodi haraik tulun no Ninia bensaun liuhusi ema seluk mai ita no se karik labarik infância Missionaria hotu iha mundo tomak tau hamutuk  buat kiik  sa de’it  ne’ebé sira iha,  buat hotu sei sai wain no naresin”.

(Ir. Martinha Gomes, FMA)